聲生不息｜周柏豪講辛酸曾任錄音室助理 最困難要幫祖兒伊健做一件事

聲生不息｜周柏豪爆林曉峰評他多懶音

《聲生不息》中周柏豪透露入行前做過救生員、模特兒，原來仲喺陳光榮錄音室擔任過助理一職，周柏豪透露跟林曉峰第一次接觸，是為對方的電影歌曲唱Demo，周柏豪覆述當時林曉峰對他評語是「唱得不錯，但懶音很多」，在旁林曉峰指對方當歌手後進步神速，完全判若兩人﹗

周柏豪指最困難幫祖兒、伊健叫外賣 被林曉峰當場取笑

周柏豪提到當時在錄音室工作相當忙碌，他曾在訪問中提及斟茶遞水、抺咪、洗廁所、搬搬抬抬等一腳踼﹗不過他話要數最困難是「要為歌手們叫外賣﹗」林曉峰當場大笑，周柏豪即認真解釋：「唔好睇少叫呢個工作，因為只要你做好叫外賣呢個工作，大家就會鍾意你﹗」

叫外賣悟人生大道理

周柏豪更從「叫外賣」悟出人生道理，他指每次幫七、八個人叫外賣，叫足三餐，而且不能出錯，他指：「要點樣聽人落柯打而唔會錯呢，原來係要用個心去聽，咁先唔會錯，做所有嘢都一樣，用個心去做﹗」佢仲話學曉呢個道理之後，就成為「叫外賣專家」﹗畀個叻佢啦﹗

周柏豪指自己是從低做起：「連水機冇水都是我換的﹗當時做很多很皮毛的事情，每一日放工，都工作至凌晨兩、三點﹗」他指回家時坐在巴上最上層聽住音樂，當時才驚覺音樂世界原來很大，「人生都一樣，人生就是需要不斷忍耐，然後先可以去做自己喜歡的工作﹗」果然大文豪，對生活細節的敏感過人，小事都可以看出大道理﹗

周柏豪＋林曉峰合唱鄭秀文《我們都是這樣長大的》：