地上最強 老外cosplayers全收錄

其實呢，世界各地都有好多熱愛角色扮演嘅 cosplayers，無論係演繹動漫或電影角色，都又生鬼又神似，以下幾位老外絕對係表表者，保證你睇完大叫﹕「嘩！好犀利呀！『典』解會咁嘅？」

Text-Oscar

1. 呢位叫Evo嘅英國cosplayer，近排喺cosplay界可謂紅到不能，佢唔單止外表百分百似《One Piece》奸角多佛朗明哥，就連6舊腹肌都完全移植，絲打們有冇流口水？

2. Evo唔止似多佛朗明哥，佢扮演另1套日系漫畫《進擊的巨人》嘅團長艾爾文，亦完全倒模一樣，唔知即將上演套真人版電影有無佢份呢？

3. Heath Ledger重新演繹《Batman》嘅Joker深入民心。不過，若要講同原裝漫畫版嘅Joker相似度，呢位Anthony Misisano就贏晒喇！

4. 要扮《龍珠》金髮美女人造人18號，唔係得把金頭髮就得，重要好似佢咁有份高傲嘅感覺。

5. 《街霸》Cammy唔係人人夠膽扮，少啲自信同身形都唔掂，尤其係Cammy健碩嘅pat pat！呢位cosplayer就百分百忠實還原！

6. 世界咁大，1個人個樣酷似動漫人物唔出奇，但係Anna Faith Carlson同佢親妹妹扮演《魔雪奇緣》嘅Elsa同Anna姊妹花到似都十足就難囉！定還是迪士尼啲畫師係照住呢兩姊妹創作呀？

7. 我相信要美國男士（特別係鍾意食快餐嗰啲）揀1個《街霸》角色嚟cosplay，Rufus一定係首選，大家睇圖就知點解……

8. Cosplay最高境界，就係扮啲唔起眼嘅2、3線角色，因為唔會搵到呢啲角色嘅服裝道具，例如要cosplay《忍者龜》嘅奸角Bebop（野豬人）同Rocksteady（犀牛人），就整套服裝都要親自製作，我真心覺得又似又有誠意！（笑）

9. 其實唔單止老外，華人都有強勁嘅cosplayer，就好似台灣著名嘅cosplayer林采緹，竟然可以輕易carry到《One Piece》女神級角色女帝，除咗佢因為靚，身材都幫佢加晒分！

10. Cosplayer唔一定要身材好，好似台灣嘅Misa咁，扮演《League OF Legend》貧乳女角Jinx，可愛帶點邪氣嘅笑容，一樣入型入格！

延伸內容：

真心似！6大韓星x卡通撞臉圖鑑

弊傢伙！ 滑梯瀡錯咗