【編輯部嚴選系列】特攝之神圓谷英二10大最強怪獸

text-專題組

第10位：Kanegon金錢怪

金錢怪係由１個可憐嘅拾荒細路所變，所以本性其實好善良，重要俾同學仔笑佢醜樣。佢高2m，重200kg。最大破壞力咪係食下人哋啲硬幣咁囉。點係入到１０大最強？因為佢出場其實好少，不佢獨特嘅外型勁得fans歡心，連Hello Kitty都同佢玩crossover添呀！

第9位：DaDa 達達（三面怪人）

極邪惡，捉人類去做實驗（唔知有非禮添！）不過我最鍾意達達着得夠妖夠潮，直頭係潮流指標啦！

第8位：Mothra莫斯拉

佢係日本特攝片三大怪獸之一，同哥斯拉、加美拉齊名。莫斯拉好多時都係人類嘅守護神，但有陣時都會「曳曳」破壞人類嘅建築物。睇佢成隻蛾咁就知佢分為幼蟲同成蟲。佢戲中設定係比哥斯拉巨型，重唔夠強？

第7位： Pigmon珍獸/Garamon 隕石怪獸

大家係咪以為下面兩隻怪獸係同一隻嚟呢？大錯特錯！佢哋兩隻係原全無關係嘅怪獸（劇本係咁寫）。上面嗰隻叫Pigmon，係善良幫人類嘅，只係高1m，重10k，可以當寵物養好可愛。下邊嗰隻係壞嘅，叫Garamon，高成40m，重6萬頓0架！點解佢哋個樣一樣？因為電影製作組攞套相同怪獸衫改少少循環再用囉，佢出嘅figures同毛公仔都一樣係勁多人搶！

內容延讀：

>迷你兵團Minions 玩易容扮超級英雄！

>再睇7米高 鐵甲萬能俠 空降尖沙咀The One

第6位：Red King裝甲怪獸

元祖級嘅鹹蛋超人怪獸，無惡不作，睇佢外形，大家知阿圓谷潺喺邊度搵靈感啦！

第5位：King Kong金剛

乜金剛唔係荷里活怪獸咩？典解會走咗嚟0架？咪係因為圓谷拍完哥斯拉後個「朵」太行，連環球都將金剛交俾佢嚟個crossover，當時打到七彩，票房亦爆到七彩，之後開續集添。

第4位：King Ghidorah三頭巨龍基杜拉

哥斯拉最強敵人之一，靈感嚟自日本傳說嘅八岐大蛇，電影設定最高175m，重7萬頓，3個頭可獨立思考。佢最強嘅地方係打不死，中間個頭斷咗可以駁返個機械再作惡。

第3位：Zetton 宇宙恐龍

絕對係超人最強敵人，對決時超人幾無還手之力，宇宙恐龍重打爆超人心口嗰粒「鬧鐘」幾近瓜柴邊緣，當然，最後都係邪不能勝正啦。

第2位：Alien Empera暗黑宇宙帝王

呢暗帝王睇佢一身嘅造形就知佢勁，曾經率領怪獸大軍踩到M78星雲同超人家族嚟個血拼，最後更曾獲短暫勝利，實力之強，無出其右。

第1位：Baltan巴魯坦星人

呢隻唔使我介紹啦下嘩？呢隻比超人更受歡迎嘅怪獸，曝光率雖然唔夠超人高，但你一定會喺某個地方見過佢。

內容延讀：

>迷你兵團Minions 玩易容扮超級英雄！

>再睇7米高 鐵甲萬能俠 空降尖沙咀The One