第一城鎖車隊終遇對手！跑車車主用「安全大套」防鎖車 網民：好醒！
第一城鎖車隊終遇對手！ 跑車車主用「安全大套」防鎖車！
近日在網上群組瘋傳，一輛白色波子跑車停泊於第一城的嚴重鎖車地帶內，更用上了一個超大型吹氣膠套套住整架車，似乎是針對鎖車隊的鎖車摩打手而來。從相片可見，第一城鎖車隊的人員員能站在車尾位置「欣賞」跑車，有鎖在手都無從入手，未能盡鎖車職責。
網民激讚有諗頭：今次真係「吹L脹」
相片一上載，網民即爆Like兼洗版留言，激讚做法新穎，終於有人突破鎖車隊的防線！留言中指「高手，只要一整穿，就係刑毀」、「睇著第一城所向無敵廿年了，終於有對策。呢個『套』原來係鎖車剋星，Wow，咁日後就多花生囉」、、「呢個連抄牌都抄唔到喎」、「一山還有一山高，强中自有强中手，比佢鎖一鎖就$320，不過只要有幾個人之後買佢呢個膠笠，就已經回到本，好過比廣告費」、「我哋沙田車友睇你頭！一人一個去第一城買餸，唔使驚鎖車了」、「可能係車主之前班X街鎖過車，而家特登諗計玩X佢哋」、「邊度搵個安全大套，笑死」、「今次真係吹L脹」。不過亦有網民指後果隨時更嚴重，認為「自作聰明，只要揾幾個鐵馬圍住加鎖鏈鎖住，你一樣走唔到，到時收錢違泊(車)加阻街」、「用A4紙擋住個吹風口，自然成個無得跳起就鎖到車啦，第一城實會諗計去搞X你哋」。
最終下場曝光 網民發現真相稱好可疑：今次係咪賣泡泡幣
不少人好奇到底最後事件發展如何，有網民就影到「安全大套」爆破的一幕，有2人正忙著「收套」。而有網民更眼利地發現，在跑車旁有一名被指「翻版胡慧沖」的男人正拿著攝錄機拍攝，懷疑是廣告宣傳。同一手法其實之前都出現過，曾有一名性感女駕著林寶堅尼入第一城被鎖車，當時一度成為熱話，後來被發現原來是宣傳虛擬貨幣。
網民：有機會犯法
另外，亦有人指同日於淺水灣發現同一部車，以同一個「安全大套」出現在路邊的泊車位，認為應是廣告宣傳，指「今次又賣咩？係咪賣泡泡幣？」、「不過都醒嘅，識用網民去做廣告宣傳，大把人受落」。但亦有人提醒「、「根據《道路交通(私家路上泊車)規例》中有一條『15.妨礙：任何人無合法權限或合理辯解，而妨礙私家路擁有人或獲授權人員行使其根據本規例而獲授予的權力或履行根據本規例向其施加的職責，即屬犯罪，一經定罪，可處第1級罰款及監禁6個月』」。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
