人大咗，出嚟社會工作，總需要戴住「人皮面具」出街。其實你重記唔記得，你本身嘅性格係點呢？英國Sleep Assessment and Advisory Service（睡眠評估諮詢中心）嘅專家Chris Idzikowski，可能幫到你搵番自我。佢對1千人做咗項調查，發現1個人嘅睡姿可以將潛藏喺大家內心嘅個性表露出嚟。
調查重發現，約4成人係外剛內柔，或者大家時刻都要扮成強者，先可以喺呢個充滿競爭嘅社會中生存……想知道自己係邊類人，就記得搵人睇你點瞓，因為只有深層睡眠先會將潛意識反映出嚟。
text-Oscar
1. 胎兒型（Foetus） 佔41%
好似胎兒係媽咪肚裏面咁，蜷曲身體瞓覺。呢類人外剛內柔，內心重可能超乎想像咁脆弱，而且多愁善感，係極需要人哋去保護。
2. 木頭型（Log） 佔15%
瞓到直一直，手臂自然下垂。呢類人係「好好先生」，隨和、易相處，亦容易相信人，但同時亦經常被利用……
3. 渴望型（Yearner） 佔13%
雙手會伸前，好似要捉住啲嘢咁。佢哋多疑，甚至會鑽牛角尖，但一旦有決定就冇人可以改變。
4. 士兵型（Soldier） 佔8%
平瞓而面向上，雙腳好似拍齊咁。呢類人真係好似士兵咁，外表睇落好平靜同內斂，但內在對自己嘅要求非常高！
5. 自由落體型（Freefall） 佔7%
趴喺度瞓，雙手放喺枕頭兩邊。呢類人自尊心重，唔鍾意被人批評。
6. 海星型（Starfish） 佔5%
雙手向上，好似海星咁瞓。呢類人係好好嘅聆聽者，深受身邊嘅人歡迎，但實際上佢哋唔鍾意出風頭，非常低調。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
