拍拖兩星期痛失二百萬　連登巴打玩wechat慘被呃

來源：環球膠報｜圖片：網上圖片、FACEBOOK|編輯：heitung＠central

Wechat 騙局

每一段感情結束嘅時候，都會令人明白一個道理：帶眼識人。而呢位港男唔單止冇帶眼識人，仲要因爲玩 WeChat「附近的人」，俾人冼左鑊甘。

呢位港男中左「美人計」嘅投資騙局，令到佢係半日內左冇近200萬元嘅本金。呢個「美人」仲唔收手，仲話要「分手」，要求加碼400萬元俾佢操盤。好彩港男都俾唔曬，最後都知俾人呃，踢爆「美人」嘅大話。

港男Kent俾佢嘅靚女icon吸引住…

「見佢幾靚女，同埋大家幾好傾，佢話冇男朋友，我心諗大家有冇發展機會呢？」呢位港男Kent已經40幾歲，係一名專業人士，今年四月係微信「附近的人」交友，咁就俾「Angel」嘅靚女icon吸引住，加埋做好友，愈睇就覺得佢唔錯，以為今次終於揾到值得交往嘅對象，仲展開追求。（所以話：睇人唔好睇外表～）

而「美人」Angel自稱單身，話係港大畢業，做金融分析師。Kent就覺得大家都係專業人士，感覺上同佢好襯，最重要係佢先28歲，真係後生又靚女！兩人認識後就時不時用WeChat溝通，加上佢地係投資方面又好鬼投契，好快就熟左，仲通宵講電話。Kent仲話當時火速墮入情網，俾對方孝順，又經常做義工及物，有愛心所吸引，認為佢係難得的「好女仔」。（戀愛中的人智商真是⋯⋯）

之後Kent知道Angel做金融投資，而且壓力都幾大，於是係佢地相識第7日（連約會都未開始），Angel就提議佢先投資100萬元炒賣黃金，仲話保證風險最多蝕20萬元，又撩下佢咁話：「其他人都係靠收手續費食飯，但我唔會收你手續費，我等你畀家用。」（高招，高招！）

Kent見Angel似乎都對自己一往情深，加上想幫佢係工作上「達標」，就應承佢去佢嘅投資公司開戶，嗰日兩個先首次見面，先知佢係助理副總裁(巿場部)，就應承存入100萬，仲簽埋授權書俾佢操盤。（係愛呀，哈利！）

Angel緊係唔知咩叫見好就收，第二日Angel又叫佢加碼到600萬，聲稱「回報最少2百萬，風險先78萬。」她仲應承拍拖，Kent一下子就俾愛情沖昏頭腦，加上對方保證止蝕80萬元，故再投資500萬元。「點知第二日起身，睇下個帳戶一共有300手買賣，一晚賬面就蝕咗200幾萬，我即時全部斬倉，如果再遲啲可能連渣都冇剩。」埋單結算後，Kent共蝕左180萬元，之後佢都有攞埋剩低嘅420萬元，Angel就不斷埋怨佢斬倉，如果唔係好可能賺回數百萬元。

Kent拒絕俾錢Angel就發火嗌分手

人嘅慾望係無止境嘅，Angel再出招：「如果相信我，400萬交比我操作。」但當Kent拒絕後，Angel就發火：「咁唔信我，大家分手！」好彩Kent事後都揭發原來一切都是大話！「佢講嘅嘢全部係假，包括唔係港大畢業、無金融分析師資格、有男朋友，連報的住址都係假。」同佢只係「拍拖」兩星期，就冇左「兩球」，「我哋見面得四、五次，拖手都只係兩次，佢根本係感情騙子。」（兩百萬買個教訓～）

事後回復清醒嘅Kent就緊係唔會就咁就算，就話Angel承諾風險最高是蝕80萬元，要求佢同其公司賠償，但反而俾佢威嚇「將個人資料及聊天紀錄上載上網」，佢於是決定報警處理，還自己一個公道！

同類型事件又點止一單半單，或者有人仲未能抽身啫，呢個Angel相信撈得唔錯，疑似埋到堆！

連登巴打疑似被騙

疑似有連登巴打發現被騙後，到社交平台尋人！