疫情影響戀情、夫妻關係 好多情侶捱唔住 分手離婚率急速上升？！

疫情造成人與人之間嘅疏離

疫情持續不斷，加上Omicron令疫情升溫，全球大爆發，影響甚遠。除咗令失業率上升，貧窮問題嚴重之外仲影響埋人與人之間的人際關係，分手同離婚激增！雖然唔少網民認為因為疫情而分手只係藉口，但因為封關、隔離、失業等其實已經對唔少戀人造成問題。封關出唔到境，對唔少異地戀Long D中嘅情侶已經造成好大嘅問題，例如鄧麗欣Stephy與台灣藝人邱勝翊王子嘅戀情，不少網民都認為如果唔係因為疫情阻礙2人，應該可以開花結果。

政府減少親密接觸 中招隔離成壓力

好多人以為疫情下戀人或者夫妻多咗時間相處，實際因為政府政策中減少咗好多人與人之間嘅親密接觸，無論喺精神層面定係實際行為，令相處之間亦帶疏離感。如果另一伴不幸「中招」，仲要怕傳播細菌嘅問題，要分居一段時間，感情自然受到一定嘅影響！討論區愈來愈多人開始討論因為中招而分手嘅問題：「本身因為疫情都多咗好多唔同煩惱，大家都好大壓力」「速食文化，見唔到人咪即刻搵下一個囉」「夜晚又無得出去食，一個唔覺意又中咗要隔離」「一個話想見另一個話唔敢出街已經bye bye」！不少外國調查亦顯示，世界各地離婚率不斷上升咗，仲要喺未見頂！

激發潛在情緒

疫情令好多人都失業，又難搵工，搞到開始因為經濟問題而出現好多磨擦，不少網民呻訴：「我就係因為疫情分手 ，疫情之後，我地都好少見，因為大家冇乜口罩。而佢又因為公司開始炒人，全家失業好大壓力」。再者就因為相處時候變長，激發好多本來已經埋藏心底嘅不滿通通爆發出嚟，私人時間變少，娛樂清零，與伴侶之間嘅差異突然被放大，因此唔少人都接受唔到呢啲突如其來嘅改變。網民：「wfh反而係日日對住，鬧交鬧到七彩，聽日執野走…」

網民喺討論區嘅有趣潮文影射疫情問題。