男友準備結婚了、新娘竟唔係自己！20歲OL遇渣男無辜變第三者！同事竟然係幫兇？！

撰文：海月｜圖片來源：說VIVAL

20歲OL遇渣男無辜變第三者！

現代人生活節奏急速，乜都講「速食」，唔少人就算戀愛亦要速配。除咗交友App識人，亦有唔少人會喺職場上搵另一半。不過職場拍拖都有一定「風險」，更有機會要承受同事、上司嘅眼光同壓力。

不過日前就有一位20歲OL向韓國節目《說vival》投稿，訴說自己剛經歷過一場荒謬嘅辦公室戀情，男友準備結婚了、新娘竟唔係自己，而且更係不知情下成為公認第三者！

呢位20歲OL入職新公司不久後，經已對其中一位男同事產生好感。而且對方雖然身為前輩，但又十分親切，更經常大方請客為她送上咖啡，所以最後更在3個月間發展成為一對情侶。

本來二人打算不在公司中高調公開戀情，不過有次約會被上司撞破，戀情更快速在全公司傳開。而且一眾同事都十分支持他們的戀情，更祝福二人讓OL覺得自己非常幸運。後來男友在一場朋友聚會中突然「放飛機」，原來OL更打算介紹男友給閨蜜認識，令場面十分尷尬大感委屈。之後有位同事聽到二人在公司為此爭執，就上前為男友解圍：「嗰次係我叫佢幫手做嘢，真係不好意思！」。

而一眾同事更喺二人拍拖100日時，幫手準備驚喜慶祝，OL更形容佢哋係「戀愛助手」，令自己戀情發展更好。

不過之後二人戀情急轉直下，原來一次公司聚會中，同事們突然聊起「結婚」話題，而男友更當眾表示「想快點結婚」。當OL聽到時即時羞澀臉紅，更想超最近有男同事無故向她詢問對「有沒有求婚好建議」，以為自己男友可能快要向自己求婚，於是每天幻想結婚後生活，更打算在婚後辭職。

不過男友在聚會中突然講出了一句：「因為女友年紀都唔細了」，OL為此大感懊惱，心想明明自己比男友年輕。男友續説：「我哋拍拖5年，1個月先見1次」。

OL聽到後當場驚呆大受打擊，更被同事追問：「你唔知嘅咩？」。

先至發現原來只有自己一直被蒙在鼓裏，男友一早就同同事夾好，原來男友一直以嚟都有另一個女友，更接受唔到自己竟然唔係正印女友，加上男友嘅戀情同婚訊、請柬自己都係最後一個知道，成為大家同事間公認嘅第三者，令OL更覺得卑鄙心寒。最後即時傷心辭職，而二人戀情亦正式曲終人散。