未來外母：嚟得就預咗請！準女婿陪食生日飯打算AA制被黑面
廣告
各位男士們應該有試過同女朋友屋企人食飯啦？(雖然小編… ) 好啦到咗埋單嘅時候，你會點做？
A：梗係爭住畀錢啦！
B：一人畀一餐！
近日有位巴打就去同女朋友一家食生日飯，可惜佢㨂錯咗，結果⋯⋯
窮L同未來外母食生日飯AA制
事情是咁的，有位網民家姐就生日，所以佢同家姐、家姐男朋友仲有阿媽一齊去食生日飯，四個人食咗1,200蚊，即係每人三百蚊啦。問題就嚟啦，邊個畀錢呢？
全文如下：
家姐生日飯全家去食嘢 家姐條仔都有嚟 咁就四個人食
埋單每位300蚊左右 家姐條仔就打算夾番自己嗰300蚊 老母一口拒絕咗 咁條仔就收番埋啦
走嗰陣老母就黑晒面 同我講覺得家姐條仔好小家 嚟得就預請 做埋晒啲無謂嘢
但係明明佢出發前又講過句無啦啦又要請多個(當時家姐同佢條仔未到)
男女背景大不同
樓主補充番啲背景，原來樓主家姐每月搵緊大約5萬蚊，但佢男朋友就只係搵萬五、六左右，所以阿媽就一向唔係好鍾意個男仔，嫌佢冇咩錢又冇讀過大學乜乜乜。咁大家覺得係邊嘅冇問題呢？
巴打又點睇呢？
阿媽見到自己個女同男朋友差咁遠，有嘢講又好似正常喎！
大家都有唔同意見！
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
