爆笑復仇者/海賊王cosplay 低成本泰國Cosplayer又有新作

喺facebook有近30萬個like嘅泰國Cosplayer「Lowcostcosplay」，以低質道具玩cosplay玩到出晒名，我哋之前都報道過。最近佢又有一批「好高質」嘅新相，包你睇到笑唔停，你可以鬧佢低質，但你絕對要佩服佢嘅創意！你可唔可以用兩個樽蓋扮《創戰記》嘅光速戰車吖？

text-Jessie photo-Lowcostcosplay’s facebook

用衣夾做《Avengers》個logo，再1人分飾全部主角，係咪勁先？亮點係天空飛緊嘅幻視，點解唔着衫嘅？

將7位《復仇者聯盟》超級英雄嘅特徵一次過擺晒上身，勁過攞你命3000，我鍾意佢着對綠色襪扮The Hulk，慳水慳力但又幾得喎。

油黑兩個樽蓋，做出螢光效果，再借位影相，呈現出《創戰記》光速戰車，神級創意呀！

將個頭塞入馬桶，再調轉張相就成為Juggernaut，為咗cosplay你可以去到幾盡！

包實個頭，油黑對手就可以變身成狼人，簡單無聊但爆笑。

內容延續：

＞呢幾日都係佐敦日！5件抽唔中鞋都要知嘅AJ1大事

＞同樣係冇人阻止到，愈出愈「鬼」嘅日本扭蛋！

＞佢哋嚟緊應該會扮星戰7，睇住機迷實冧BANDAI巨型街機先

重有第2個方法，就係用鏡嘅倒影反射，慳返1半紙板材料。

用馬桶蓋同廁所揼嚟分別扮做《One Piece》白鬍子嘅鬚同帽，好好笑。

《全職獵人》嘅大剛標誌性超長頭髮，竟然係可以用枝油黑咗marker嚟做。

用Iron Man海報變成Batman，超級英雄果然係一家親。

Thanos隻手套瞬間變成食得嘅糖，cos完就可以食，幾好。

內容延續：

＞呢幾日都係佐敦日！5件抽唔中鞋都要知嘅AJ1大事

＞同樣係冇人阻止到，愈出愈「鬼」嘅日本扭蛋！

＞佢哋嚟緊應該會扮星戰7，睇住機迷實冧BANDAI巨型街機先

《火影忍者》鬼鮫，佢重用裝咗水嘅玻璃杯折射扮返個臉型，點諗到㗎？？？

動畫人物嘅大眼睛真係唔係咁易扮，但一樣難唔到佢，但隻Baymax公仔會唔會污糟咗少少？

扮街頭霸王嘅草薙京（KYO KUSANAGI）扮得幾好。但記得唔好隨便玩火呀，好危險㗎！

點解佢咁鍾意喺廁所cosplay？其實呢一幕有啲恐怖。

孫悟空舊筋斗雲又畫得幾靚喎～

內容延續：

＞呢幾日都係佐敦日！5件抽唔中鞋都要知嘅AJ1大事

＞同樣係冇人阻止到，愈出愈「鬼」嘅日本扭蛋！

＞佢哋嚟緊應該會扮星戰7，睇住機迷實冧BANDAI巨型街機先

實不相瞞，我都一直覺得貝兒條裙好似芒果啫喱，終於搵到知音好感動！

呢個街霸軍佬只可以瞓喺地下，一起身就破功。

日本動畫《ダンジョンに出会いを求めるのは間違っているだろうか》（中譯：在地下城尋求邂逅是否搞錯了什麼）入面個女主角叫做「ヘスティア」。佢着件衫有條藍絲帶喺胸下連住兩隻手，早前就引起好多網民模仿，Lowcostcosplay都唔例外。

模仿緊韓團EXO前成員吳亦凡，但呢個真係有啲牽強…

會諗到咁樣扮Taz-Mania嘅奔跑旋風，都幾聰明，但係上半身冇cos到嘅？

內容延續：

＞呢幾日都係佐敦日！5件抽唔中鞋都要知嘅AJ1大事

＞同樣係冇人阻止到，愈出愈「鬼」嘅日本扭蛋！

＞佢哋嚟緊應該會扮星戰7，睇住機迷實冧BANDAI巨型街機先