【燒賣散水餅】散水餅仲食餅咁Out？網民搞「燒賣放題」當散水餅
廣告
【燒賣散水餅】香港地細，個個都想好聚好散，咁樣散水餅自然就唔可以馬虎。近日，有個post惹來網民熱議。事源有人係Facebook群組出post稱自己同時用燒賣當散水餅，仲要係驚人嘅數量，搞到同事食唔曬，要打包翻屋企當早餐。想知派咗幾多粒燒賣，咁就睇落去啦！
撰文：神仙b｜圖片：香港燒賣關注組 截圖｜編輯：海月
網民搞「燒賣放題」當散水餅
香港燒賣關注組有網民投稿分享近日公司有同事派燒賣散水餅，該名離職的同事在離職當天打算請各位同事食燒賣。該名同事仲好貼心咁問大家想食幾多粒，其他同事都完全冇同佢客氣，大聲呼喊要一人一打。
離職的同事秉持好聚好散嘅心態，完美滿足曬大家嘅需求。計足人頭，實打實按照一人一打咁買燒賣。最後佢大概買咗$500燒賣，請大家食「燒賣放題」。
該同事為咗大家可以食到新鮮嘅燒賣，即場在公司蒸！爆料嘅網民稱，單單要蒸熟都已用了45分鐘。
唔少同事吃完第一輪燒賣都已經食飽，之後發現公司雪櫃仲有幾袋燒賣剩。準備離職嘅同事就唔勉強大家即場清曬啲燒賣，讓同事帶回家。
爆料網民粗略數咗下份量，佢預計大家可以能吃到下星期。為咗俾大家知道究竟有幾多燒賣，仲直接上圖；分享咗海量燒賣嘅圖片，更興奮地叫大家猜測這裡有幾多粒燒賣，不少網民留言稱「睇上去成千粒」。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
