港男後悔移民英國慘變二等公民 列5大原因大呻移民後好辛苦
港男後悔移民英國慘變二等公民 列5大原因大呻移民後好辛苦
近年香港愈來愈多人打算/經已出國移民，不過其實「移民」絕對是人生大事，而且生活亦會有預想以外嘅轉變，並非「只係換張身份証咁簡單」。日前就有網民近日在facebook group上表示「好後悔嚟咗英國做二等公民」，內容直指移民英國沒有想像中咁美好，好多地方都唔適應，更後悔自己到英國做「二等公民」。
移民英國「後悔」原因 1：被逼「強制勞動」
港男表示移民英國後「好辛苦」，因為自己喺香港只喺居住400尺屋，但到咗英國後就變成2000尺三層屋，日日要行上行落、三層屋更設有後花園，不但可以BBQ又能夠曬太陽，簡直是「強制勞動」。
移民英國「後悔」原因 2：英國超市份量太多
港男表示自己喺英國超市買餸非常「頭痛」，因為英國超市普通一塊肉眼扒都3磅起，「大件夾抵食」令一家人完全食唔哂。
移民英國「後悔」原因 3：慘遭鄰居「歧視」
港男表示「唔知係咪因為自己係亞洲人」，令自己被鄰居「歧視」日日都被邀請參加大家嘅小朋友生日派對玩樂，更令子女開心到唔捨得回家。
移民英國「後悔」原因 4：子女讀唔到書怕變蠢
港男認為英國教育制度比起香港差，子女上學不但功課量少、又無暑期作業，所以好擔心子女學習進度差會變蠢。港男更表示有少許懷念以前在港時，每晚陪子女做功課至12點嘅日子。加上英國又多博物館及城堡，而暑假太短唔知點計劃去邊一到玩樂先好。
移民英國「後悔」原因 5：失去人生目標
港男表示自己移民英國後，因為之前喺香港取出MPF需提前考慮點用，而且喺英國生病後完全不用錢就可以接受治療，退休後又有退休金，令自己失去人生目標。
而帖文一出後，隨即引嚟大量網民熱話！好多「心水清」嘅網民留言：真係慘， 我代你住啦、見到都覺得辛苦、好想一齊後悔。大家又覺得點呢？
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
