港男移民英國想定居「霍格華兹」、網民熱話4大準備注意事項！

撰文：海月｜圖片來源：英國香港人生活交流區

港男移民英國想定居「霍格華兹」

近年香港掀起「移民潮」，唔少香港人因為各種原因都選擇移民，繼之前有港男5大原因大呻移民好辛苦：好後悔嚟咗英國做二等公民後，估唔到亦有港男喺「英國香港人生活交流區」群組發文表示打算移民到英國，而目的地亦係「霍格華兹」：

諗住5+1 去英國，睇咗幾城市，宜家諗緊霍格華兹果邊有冇人知物價、生活費係點？細路喺果度讀書有冇優勢？ Thx

港男打算以「5＋1」去英國，看過幾個城市後暫時考慮在「霍格華茲」定居，所以想知道當地物價及生活情況。精明網民雖然知道「霍格華茲」出自《哈利波特》，不過仍落力為港男獻上「資料」：

移民「霍格華兹」準備注意事項 1：入學前必入手魔杖

因為港男問及「霍格華茲」讀書有冇優勢，所以唔少網民都先提醒港男有關情報，如開學前一定要買枝魔杖，而其他魔法物品亦最好在移民前入手，以免「食炒價」。

移民「霍格華兹」準備注意事項 2：歧視問題嚴重

有網民指因為「霍格華兹」大多學生都係魔法世家出身，所以附近歧視問題亦比較嚴重，建議租屋前帶貓頭鷹一起過去，不然被當地人當成「麻瓜」就好難租到屋。另外當地治安亦係問題之一，建議港男移民前考慮清楚。

移民「霍格華兹」準備注意事項 3：無「掃把」出入成問題

網民更大爆如果要移民「霍格華茲」，「掃把」絕對係重中之重，因為如果無「掃把」出入相當麻煩。而且者考「掃把空中試」亦排到傻，有網民表示：雖然有報筆試，但要到12月才可以考，而且空中試已經到下年7月！另外，「掃把」的價格亦相當貴。

移民「霍格華兹」準備注意事項 4：蛇蟲鼠蟻問題嚴重

有網民表示：霍格華茲很多蛇蟲鼠蟻，後花園更有「人一樣大」嘅蜘蛛，最大Size尤如坦克車一樣，而且更有蛇藏喺密室中，所以要移民就要注意防蟲問題。

雖然好多人都想去「霍格華茲」，不過睇嚟原來都問題多多，特別係歧視「麻瓜」問題，如果小朋友入學後更易喺學校被人欺負，而且唔一定有學校收麻瓜，所以要好好諗清楚！