38歲港男每日工作3小時日薪1萬元　自豪大讚輕鬆　港人知真相即耍手擰頭

在港工作男士日薪高達$10,000　大讚好搵但非人人頂得順

除了辦公室做高層，有誰還可日薪賺到過萬元？近日有一段訪問影片在網上廣傳，片中一名身穿橙色上衣的男人表示自己在港工作一天，日薪已達$10,000。他指自己從事通渠行業，主要通「便便」渠，每次收費大概$1,800至$2,000不等，一日平均都有5-6宗生意。而接緊急單時，更可把價錢叫得更高，每單Job都只是半小時左右。而他指，若果每日都有5-6單生意，一星期返5日工最少已有5萬元，一個月上班20日即有20萬，比一般打工仔更好賺。

而他亦在片中提到行內競爭少，畢竟每天都要聞著難忍的臭味不是人人頂到，但若戴著口罩工作又會過於焗促，因此都算是辛苦錢，不是一般人能忍受到；而入行亦需要有「人脈」，客人都是經朋友介紹。當被問到「吸便唔會覺得無面咩」，他即回應指「你有錢去邊都有面，面子唔重要」。

網民：真係咁容易咩？

有網民隨即表示「估唔到一日有咁多喎，仲好賺過地盤」、「你估真係咁易咩，佢買架車都百幾萬啦，要聞幾耐臭味先頂到」、「做髒的工作賺乾淨錢都好」、「我曾經有個朋友做修路，一個月都3萬蚊，其實面子都唔及錢緊要」、「真係唔係個個頂到，香港好多人連洗碗都嫌棄，何況吸便便」、「好過坐寫字樓日日做12個鐘得2萬幾」。不過有港人一知道行業後即耍手擰頭，並指「唔係你想像中咁開心，睇就易」、「平時架車經過路面都覺臭，仲要近距離日日對住真係唔得」、「呢啲大錢我真係搵唔到，呢個大哥都勁」。