港男人夫一個原因瞞老婆建「第二頭家」！每日收工扮OT、原來為打機紓壓？！

撰文：海月｜圖片來源：暖男爸爸、辦公室日報facebook

港男人夫一個原因瞞老婆建「第二頭家」！

香港人返工大壓力，放工翻到屋企都要面對家人，難免會將情緒宣洩喺對方身上。日前就有位港男人夫，喺網上分享自己紓壓小秘密，引嚟網民極大迴響！

原來港男人夫自從成為爸爸後，經已「收心養性」無以前咁火爆，亦明白老婆「媽媽」工作嘅辛酸，所以亦好少同老婆嘈交。不過香港人返工大壓力，特別港男從事銀行金融業，平日「追數」壓力很大。

有時難免會帶咗啲情緒返屋企

面對工作上同事、經理及客戶嘅壓力，就算翻到屋企亦無渠道、時間宣洩，因為要「擔起頭家」，照顧老婆仔女，唔能夠好似以前咁隨便攤唞、打機。

始終都有做老公同埋做爸爸嘅責任，工作同家庭之間每日不斷轉換環境，難免會唞唔到氣

港男人夫表示去年最大壓力時，本來想睇心理醫生治療，不過最終決定暪著老婆、朋友，喺屋企附近租一個舊樓百幾呎單位作為「第二頭家」。而港男人夫就會每星期偷偷地「扮OT」，去「小天地」兩至三晚，亦會喺10點前等歸家，等仔仔可以臨瞓前見面傾計。

通常都係嗰日工作好辛苦或者有挫折，壓力好大先至會嚟

喺「第二頭家」中，港男人夫亦只係「極其無聊」咁玩電話、玩 iPad、漫無目的地上網、打機，好好放鬆將所有壞情緒釋放。而港男人夫更特意唔買床褥，以免自己喺「小天地」訓著。

$5800 租我消化到，一直消化唔到嘅只係生活壓力

港男人夫亦強調因為愛老婆，所以先決定建「第二頭家」，因為需要呢個地方俾自己作出小小調整先返去。唔少網民得知港男人夫「第二頭家」目的同真相後，都紛紛大讚處理得宜，不過亦有網民表示「有錢人先可以咁做」。

重返以前做仔嗰陣咁，唔係任何人嘅老公，唔係任何人嘅爸爸，喺呢度我單身一個人，真心舒服