港媽｜驚佢影響囡囡家庭觀念！補習Miss因領養家庭長大慘被炒

撰文：海月｜圖片：LIHKG｜編輯：odin

港媽：驚佢影響囡囡家庭觀念！補習Miss因領養家庭長大慘被炒

為人師表「有教無類」大家就聽得多，不過原來唔係老師「肯教」就得，原來都要過到家長嗰關！日前就有日前就有網民發文，苦訴一位任職英文補習老師朋友某日突然被無理解僱，原因竟係因為朋友於領養家庭長大！
港媽特意Msg補習老師，起初大讚老師教導令女兒成績有顯著進步，不過突然話題一轉指擔心老師的成長背景，會影響女兒的價值觀：

前排聽到你同佢傾偈，知道你屋企情況（我是經過聽到），想問清楚你係咪領養小孩？如果是的話，我想可能唔可以再搵你同佢補習了，你都明白啦佢中五了，要為將來打算，我唔想佢有一個錯的家庭觀念。

補習老師感到百般無奈，更決定寫千字文向港媽解釋，表示當時正跟學生分享大學時修讀生死學科中的「安樂死」議題，提及父母某程度上有權利決定子女死亡，認為可以墮胎。而老師就反問學生：

咁如果唔係親生呢？佢問我如果我唔係父母親生咁我會點？然後我只係用自身嘅經驗答佢，其實都係咁樣過，人生往後有好大部分自己可以決定。

老師更表示自己確實是在領養家庭長大，但就認為「親生父母」係無得選擇，亦非常感激養父母在能力範圍給予她最好的，最後更向港媽表示家庭觀念與領養無必然關係，雖然明白係為女兒好，不過讓孩子認識不同觀念自行選擇更佳：唔係強加一啲觀念畀佢，咁只會將佢變成一個冇自己思想嘅附屬品。

不過港媽似乎就唔接受解釋，認為老師唔應該跟正就讀中五女兒討論呢個問題，之後更突然稱想找一個可同時為女兒補習英文及中國歷史，堅持要辭退老師。最後港媽更唔想女兒知道老師是被佢辭退，竟要求老師幫手講大話：

我會和女兒講Miss之後較忙沒有時間，你可以配合一下嗎？

對於港媽嘅過份行為，一眾網民都大呼不公，更希望老師直接向平機會投訴，等港媽得到教訓！