網民熱話「點解依家啲男仔唔肯主動追女仔」！港男一有動作即被視狗公、追女仔成本貴？、5大「男仔不再主動」原因

撰文：海月｜圖片來源：LIHKG

港男一有動作即被視狗公！網民熱話「點解依家啲男仔唔肯主動追女仔」原因

「男仔不再主動追女仔」原因 1：追女仔成本愈來愈貴

唔少港男見PO後，都紛紛表示經濟能力並不太好，而追女仔成本越來越高「成本大過效益，又唔一定令自己開心，又唔一定成功」，所以情願自己單身。

「出左社會做野，有好多野要兼顧。如果有埋個另一半，個人會頂唔到，索性隨緣」

「男仔不再主動追女仔」原因 2：難追到一個互相理解的人

另一「男仔不再主動追女仔」原因，就是有不少網民覺得平日返工經已感到很累，如果再去「追女仔」時會覺得更累！加上認為現時不少女生都嬌生慣養、公主病，追求成功後又要花時間心思「湊女」，想追到一個能互相理解的女生很難，因而卻步。

「男仔不再主動追女仔」原因 3：多次被帽、學會投資在自己身上

有港男網民表示因為「多次被帽」、經歷失戀，於是發𡚒圖強趁年輕努力工作，更覺得當30多歲時有錢有事業後，再追女仔也不遲。有網民同意「一般好的男生都不會去追女仔」，女生也會自動過來，所以男生只要做好自己，內在價值提高，到時就會吸引女生。

「投資金錢精神時間係自己身上，永遠唔會背叛你嘅人得你自己，感情好脆弱，話散就散，同埋無人陪到你一世，最後都係自己一個入棺材」

「男仔不再主動追女仔」原因 4：愛情不一定男生先開口

看到港男發文後，有網民表示覺得現時大眾社會講求男女平等，戀愛關係上不應只是男追女「點解一定要係男開口做主動？」。另外，亦有網民表示「一有動作即被視狗公」，所以為免被誤會，情願不追女而單身。

「男仔不再主動追女仔」原因 5：冇女友生活反更開心

有港男網民覺得現時多咗唔少「拜金港女」，而且因為速食戀愛觀，所以更覺唔少女生會「收兵」或「周圍派帽」，因此不想浪費時間在港女身上，反而將心機、金錢、時間花在其他興趣及自己身上。