港大Ocamp風波︱護理系新生爆大鑊：食草都未夠癲 仲玩到有人抽搐！

港大Ocamp風波︱自稱港大護理系新生指控組爸媽食草、摸手摸腳好唔舒服

近日網上流傳一篇Ocamp指控文，自稱香港大學護理系今屆新生的網民指「去完細O，我反而唔想讀落去」。內文指三日兩夜的Ocamp是「人生最痛苦的日子」，為事主帶來相當大陰影，事主指控分為以下三點：

港大Ocamp風波︱指控一：Ocamp內有人「食草」

事主於文內提到「第一日夜晚嘅時候，有一個disco嘅活動，一入到場地就聞到一陣好攻鼻嘅味，令我同其他組員都覺得唔舒服，之後問過組爸媽先知道係「食草」。記得嗰晚場面好混亂，去到後期越嚟越大陣味，好似好多組爸媽都喺度食緊，我同我朋友嗰組嘅爸媽都有食同飲醉，拋低我同其他同學唔理」。

港大Ocamp風波︱指控二：組爸及工作人員亂摸新生

事主指整個活動都好驚好迷茫，當時場面非常混亂，「有組爸仲要特登對我摸手摸腳，上下其手」，事主感覺到組爸特登摸自己，當刻感到非常不舒服。曾有其他組的朋友亦指有其他工作人員都有對她們摸手摸腳，曾想過向莊員投訴，但因以她們的觀察，組爸媽與莊員相當熟絡，令新生不敢投訴，不敢揭露這些騷擾的行為。

港大Ocamp風波︱指控三：玩水Game規定不可穿深色衫

到了第二天玩水Game，事主指組爸媽規定大家不可換深色衫，一定要穿薄透的camp tee， 即使事主Camp Tee算深色但亦可看內衣，「加上濕咗水，可以話係走晒光，仲要畀啲唔友善嘅目光望住」。後來事主想換衫都不獲批准，玩完水不可換衣服，身體亦開始不適，一直捱到夜晚回房間後，組媽又不讓其睡覺，逼大家飲，出camp之後個個生病。事主認為整個Ocamp組爸媽都為帶來人生最痛苦的日子，陰影面積極大，希望大家可以幫忙傳開，並問道：「係咪上到大學嘅圈子一定離唔開食草同埋飲酒」。

港大Ocamp風波︱再有組媽爆料原來有校外人差啲搞出人命？！

事件爆發後又有爆料，自稱係參加今屆HKU nursing ocamp的組媽，先指出原來今次ocamp有好多非HKU的外人參與，ocamp的組媽並唔同意亦作出多番勸告，但態度是「意見接受作風依舊」。

第2，ocamp的「Disco night」活動中，真係煙霧瀰漫，仲搞到在場一位組女勁唔舒服，呢位組女本身有氣管敏感。而且場面混亂，組爸飲醉咗瞓喺組女度，仲曾經有人出現抽搐，幸好最後無事。

第3，第2日發現ocamp廁所竟成地用過的dom dom。

第4，玩水Game環節除咗走光問題，仲有「玩吹奶」，玩法係有條管裝咗奶，兩邊鬥大力吹比對方飲。唔少freshman覺得好嘔心走去休息，但營長同組媽仲要迫啲freshman睇，仲俾莊嘅人爆晒粗話freshman唔俾面。

第5，奇怪game將成個人放入膠桶，外面的人不斷拍打，直言不敢想像自己喺入面的感覺會點，認為簡直如同黑社會。

網民：一早聽過有問題 唔明點解仲有人參加

看到事主分享後，不少早早脫離大學生活或未有經歷過ocamp的人紛指離譜，指「一早聽過Ocamp好多鹹嘢㗎啦，係啲女自己死都要玩」、「其實學校容許攪呢啲禽類活動都好有問題，校方可否出來講吓？」、「ocamp變咗質好耐，新一代啲風氣睇唔透」「唔飲酒唔食草relax點chiil點樣快速破冰識人食女食仔」「Ocamp唔係正常人去的」不過都有網民認為太離譜，唔相信係真。而港大護理系亦作出回應，指「就較早前網上出現有關迎新營安排言論，本會現正積極檢視有關安排並會嚴正處理，如有任何有關迎新營投訴及證據，亦煩請發送電郵至[email protected]，本會必定秉公處理」。

有人為港大平反　反鬧事主唔做Research

亦有Ocamp過來人指「我去/搞過6個OCamp (soc, fac, hall)，OCamp目的係加強新人歸屬感，有玩水、深夜吹水，有時都玩得顛，但咪話食草，食煙飲酒等行為一定唔可以接受。無證據，參與討論嘅人亦多係道聽途說，但帶嚟污名化、甚至被人利用，影響大而深遠，對大學、學生組織以至大學生都非常不公！HKU有反性騷擾政策，若有此當事人應該用正途處理，學生事務處亦須主動協助跟進或嚴正徹查，還大學、學會、學生公道」、「其實冇證冇據，大家兩邊講咩都冇用，各執一詞都唔知邊個啱定錯，就唔好咁主觀先入為主，唔係blame the victim，但係咪自己都有責任呢去O camp都係自己選擇，咁做research系好基本嘅嘢，去之前睇下 之前去過嘅人嘅cm或者反應，了解下咩系O camp 有咩game，再睇下適唔適合自己去先好去？」此言一出，網民即大爆發，指「我竟然見到有人話報O camp唔睇清楚係自己責任！？我報O camp要預左啲人食草同比人非禮？X人冇做research嘅，不如示範吓點樣可以事前research得到nursoc ocamp 食草，水game唔俾換衫, 一定要飲酒之類嘅嘢」。

資料來源：[email protected]