港人嚴選6大高級酒店 港女打卡最愛竟被網民狠批似公屋？

港人選全港最高級酒店排名 香港文華東方酒店贏過半島

香港5星級酒店各有特色，有人為餐廳而去，有人為海景、有人為打卡浴室，到底那一間酒店在港人心目中最得分？最近有港人於網上發起「香港最高級酒店對決」的討論，得出6大結論：

1.香港文華東方酒店

不少網民指位於中環的香港文華東方酒店簡直是世一酒店，不但飽覽維港景觀，最令人大讚的更是一流的服務，且有一股獨特而令人感到舒適的氣味。而最加分的是「沖涼可以拎玫瑰花瓣同精油玩泡泡」，令人放鬆，確實享受。而且相對其他5星級打卡酒店，香港文華東方酒店較少內地旅客，相對好住。

2.半島酒店

一向讓人感到高級而帶有華麗感覺的半島酒店亦保持到在港人心中「最好的高級酒店」位置，不少網民表示「半島個大堂個種氣場真係好屈，感覺唔係其他酒店有得比」、「好grand，好有氣派，住喺嗰度好有上流人士感覺」、「佢係復古得嚟又不失霸氣，佢有復古感覺但入邊D嘢你唔會覺得舊」、「係一生人都要去住一次嘅酒店」。

3.Rosewood瑰麗酒店

Rosewood酒店一向受女生歡迎，其巨型浴缸、浴室黑白格的裝潢加上有多塊大鏡，整個氣氛都非常IGable。網民指「Rosewood早2年Roland黎香港都係住呢間」、「Rosewood間房真係好luxury好fancy，海景房個海景都好掂」、「所有嘢用嚟打卡影相都好正，一定係港女最愛，啱年輕情侶/新婚夫婦等等去」。

4.K11 Artus

另一間最多人選擇的酒店就是K11 Artus，不少網民指「求婚一流，身方最少有5個朋友都喺呢間酒店求婚，個vibe好正」、「個露台真係無得頂，勁Chill，個種Relax其他酒店比唔到你」、「廳同個房都有大露台對正維港海景，真係全港第一，不過缺點係朝早會有船聲比較嘈搞到冇得瞓晏啲，同埋上去要轉一次lift比較麻煩，其他都接近完美。」

5.四季酒店

四季酒店是傳統中的5星級酒店，每晚房價價值不靡，有網民指「裝修好大，好氣派，但係你唔會覺得俗氣，而個景觀又好OK」、「泳池都係最正」。

6.Ritz Carlton

網民指Ritz Carlton都係好氣派，景觀亦相當一流，睇到維港兩岸全景，不過要改善的是其「裝修有小小俗氣」。

港女最愛U字頭酒店反而無份　網民：似公屋

至於一直被人喻為港女打於點之一，位於金鐘的U字頭酒店反而不在網民「最高級酒店」的名單上，不少人點出當中幾大問題，指「除咗個廁所正，其他嘢好難同其他5星級酒店比」、「間酒店中間好似公屋個天井咁」、「樓底好矮，感覺唔係好舒服」、「一間好貴嘅精品酒店，房舊樓底矮，用料麻麻，似返屋企多過酒店feel」、「港女打卡都不失為好地方，但住就難同其他比」。不過亦有網民指「佢最正係超巨大石灰岩浴缸，沐浴時又可以睇到五光十色嘅城景，好正喎」。