網民淘寶買餐枱「碎上」 10大淘寶產品買咗等於交智商稅…
1. 餐檯
有網民喺淘寶買餐檯，索價$5000連運費，收貨時外表睇落冇問題，但係一拆開入面碎晒，雲石枱面全部碎開，變成一堆大型垃圾！好多網民就認為係物流嘅問題「件貨可能本身無問題，係運輸啲人玩嘢，個箱有冇貼到易碎」、「淘佬運貨，你寫咩易碎小心都可能掉你，10個運貨既人入面，只要其中一個掉x你件貨就玩完」「其實運呢啲要另外搵人釘架」
2. 雪糕
連雪糕都有人淘寶買！有網民喺Facebook專頁《淘寶開心share》圖文並茂控訴物流差，佢話自己喺淘寶10件雪糕甜品，但係用咗5天才到達自提點，「不知所謂的物流，購物體驗很差」，結果收貨後全部溶晒，令孩子十分失望。而佢最後竟然選擇將所有已經溶化嘅雪糕放進冰格內「凍一下再吃」，直指要給商家「差評，差評」。不少網民表示驚嚇「求下你丢左佢，放過小朋友」、「喺室溫溶咗就會產生大量細菌，更何況係奶類制品。正常嘅都會掉咗佢啦，仲俾小朋友食」。
3.黑科技節電器
呢款「黑科技節電器」話插喺家裡任何一個插座上，就能節省最多45%的電力。有內地網民訂咗個嚟試，收貨後拆開一睇，先知道完全唔係嗰回事！顯示屏係印出嚟，入面咩都冇，只有一個小小電路板，唯一嘅作用就是通電之後亮燈。超級誇張！
4.木製傢俬
有網民喺Facebook群組「香港滅蟲關注組」出post話喺淘寶買木製傢俬，結果發現其中一件傢俬上有「木蝨BB」，仲要被蝨蟲咬，最後要滅蝨同丟棄咗堆傢俬先得，得不償失。
5.菜刀
有內地網民喺淘寶買咗把國產品牌菜刀，返去煮飯用菜刀拍蒜頭，結果刀身立即斷開兩截，菜刀從刀柄位完全斷裂開，向客服投訴：「這個刀好離譜，我拍蒜子，它就斷裂，沒見過這麽脆弱的刀，刀還能拍蒜嗎？」竟然得到客服神回應：「不能拍蒜」。
6.麵包
有香港網民喺淘寶訂貨控訴集運公司遲發貨，10月27嘅單，11月4日終於收到。其中樓主買嘅貨品入面竟然有麵包，「但我食物已『發毛』，說好『今發明到』我先買食物……」好多網民認為喺淘寶買食物實屬不智，但原帖帖主就回應：「淘食物有問題？」有網民提醒「進口食品要登記，無合法食品標籤，可以報海關。」。
7. 鞋
有內地網民喺淘寶買尖頭鞋，但係收到貨之後就變咗「脹爆中指鞋」，非常誇張。該名網民向微博「偽意見領䄂」詢問：「請問這種情況是鞋子的問題，還是我腳的問題？」，而好多網民就覺得問題不在於對鞋，而係樓主對腳，又有人講笑話對鞋嘅皮質真係夠軟身。所以大家下次買鞋，都係親身試過比較好。
8.地毯
有香港網民喺淘寶購入6張價值46元人民幣的地毯，收到貨品後打開就發現地毯上有很重的味道。事主將「很重味道」的地毯拿去晾曬，諗住曬一曬太陽可以去除異味。點知地毯放在太陽下晾曬了幾小時後，突然出現了一堆小蟲，而窗台同埋附近啲衣服都爬著一隻隻蟲，超級驚嚇，事主發現地毯有蟲後，便立即向店舖反映，但可惜店舖不肯退款，反指自己倉內其他地毯都沒有出現類似情況。
9.遊戲機
有香港網民喺淘寶以$119.16人民幣（約$150港元）購買咗一部遊戲機，但貨物到手時發現離奇地輕，打開後發現入面只得一卷廁紙，表示「超級過份，喺間舖買咗部遊戲機，佢哋竟然就咁寄卷爛廁紙畀我就算！」。事主指收到貨時，因為紙箱異常輕手，所以在開箱時已準備好手機拍攝開箱片，結果如她所料地貨不對辦，她表示「好彩見佢個盒咁細又輕，估到有啲古怪，所以拍埋開箱片！平時我都唔拍片。嗰卷嘢霉到呢，都唔知有咩菌。」
10. 充氣泳池
有香港網民喺facebook群組「淘寶唔開心share （中伏group）」分享喺淘寶以人民幣328元購入一個「無線自動充氣游泳池」。但收到貨後發現，游泳池上充滿污跡，事主形容「好似用咗好耐，執返嚟賣俾我」。從照片中可以見到，藍色泳池上佈滿黑啡色的污跡，泳池更疑似已經發霉。而事主曾經嘗試清洗該游泳池，但可惜污跡一點都洗不掉。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
