4百呎屋平放 業主離奇自稱「無污糟嘢」網民嚇破膽睇相睇到好多嘢？！
廣告
香港出名樓價高，對於唔少打工仔嚟講買樓唔係一件容易的事，所以都會選擇租樓，到處尋覓比較便宜的單位。近日就有一位網民表示見到一4百呎單位出租港幣$8,000，業主更離奇自稱單位「無污糟嘢」，點知單位照片一出，即嚇破膽，唔少網民仲表示睇5秒即頭痛，仲有更誇張指見到好多嘢，令人百思不得其解！
四百呎放租$8,000 放租者聲稱「間屋冇死過人」
近日有港人在社交平台上發出一個帖文，帖文中指看到一個出租中的住宅單位，單位為四百呎，月租港幣八千元，放租者「講明冇死過人同埋交吉，執一執住得」，亦表示「有冇鬼就話唔知，應該冇」，最後更指出「香港人平租緊要過邪唔邪」。
網民睇相即見暈：「望5秒都好頭痛」
此帖文亦附上三張單位照片，從照片中可見單位燈光比較昏暗，牆身亦較為殘舊而且出現霉爛，地板亦有污漬。其中一張相難以看得出是屬於單位的哪一個位置，但天花與地板都超級殘舊，加上極度破損，猶如打仗一樣。單位內並無任何傢俬，據網民稱放租單位地點為德福花園，實在難以令人相信。
網民：望5秒都好頭痛！
帖文引來大批網民討論，由於從照片中都見單位環境殘舊，因此有網民表示「個業主連俾錢執吓都唔肯就話諗住租$8,000都幾XX」、「單位應該係燒過」，亦有網民認為照片令人大感不適「望5秒都好頭痛」，同時都有網民表示「你以為真係抵？你住就免費幫佢裝修」、「3000蚊都要諗，咁多嘢執又要買傢俬電器」。有網民更認為自己有天眼，從照片中看到好多不尋常的東西，「事關第一張相已經有個長髮女企喺鏡頭面前望住鏡頭」、「好似死咗六個人」。
資料來源：FB@好fashion呀你
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
關鍵詞
租樓
圖片來源：Facebook@好fashion呀你資料或影片來源：原文刊於新假期
