【杜如風】靚仔！

靚仔，很難定義，因為各花入各眼，又有情人眼裏出西施，不過，當大部分人都認同1個男人靚仔的時候，那個人就一定是真正的靚仔。最佳例子有：梁朝偉、木村拓哉、金城武！大家有沒有聽過：「唉，梁朝偉都唔靚仔嘅！」「金城武好醜樣⋯…」肯定冇啦！而經過我多年的觀察，絕大部分的靚仔，其實都知道自己是個靚仔，並且引以為榮！靚仔多數都很貪靚，因為想錦上添花，又或者是想當個「媾女王」，殺我們一個措手不及！我就曾經有位靚仔前度，貪靚程度比我嚴重，他竟然因為自己有黑眼圈，而偷了我的遮瑕膏，每朝返工之前，必定要塗遮瑕膏才肯出門口，最離譜是他將我的遮瑕膏據為己有，每天都要帶着它上班去，要補妝嘛，我差點暈低！

男人作出這些舉動，已經很荒謬，但最難頂的是，1個完全唔靚仔的男人以為自己很有型靚仔，不知道是他身邊的朋友整蠱他，告訴他很靚仔，還是自我膨脹得太緊要，日日對住塊鏡左望右望來催眠自己是個靚仔，然後這些「假靚仔」往往以高姿態出現，嘩，真係衷心想打佢一鑊！
個人最討厭這些「假靚仔」，造作得乞人憎，可能因為自己有過太多「真靚仔」的男朋友！而最高境界的靚仔，就是連自己都不覺得自己的樣貌很出眾，可惜，世界上已不存在這些高人了！

text-杜如風

內容延讀：

〉係咪靚仔都要學！5式自拍素顏呃Like，po上ig你玩晒！

〉同靚仔一樣咁靚嘅蜷川實花婚紗系列第2彈