李思雅怒轟動物醫院無良：我真係好自責！愛犬被剝掉17隻牙！剝牙剝到失明
撰文：神仙b｜圖片：FB、IG 截圖｜編輯：海月
李思雅怒轟動物醫院無良：我真係好自責！愛犬被剝掉17隻牙！剝牙剝到失明
TVB藝人李思雅（Cindy），在個人社交平台大爆遇上無良獸醫，指愛犬被元朗某間動物醫院一次過剝掉17隻牙，牠更疑因此失去視力。李思雅自責事前沒有留意，並呼籲寵物的主人不要去此動物醫院。
李思雅憶述事件經過稱，佢原本以為愛犬牙仔出咗小問題，所以帶佢去睇牙。點知帶咗狗狗去《東張西望》報導過嘅黑店，鑄成大錯。李思雅於Facebook 撰文稱，「本來以為小事，隨便去了這間『元朗博愛動物醫院』帶隻狗去睇吓隻牙有咩事，點知個醫生又話佢腎有事，要留院吊鹽水，又要我喺佢醫院買一堆配方糧，又話佢可能要剝牙，總之未剝牙就已經要你洗一筆錢，之後剝牙再逐隻計！」
當醫生幫佢愛犬麻醉後，醫生幫狗狗洗牙時卻指要剝17隻牙。仲利用主人愛寵物之心蠱惑道：「佢要我即時決定要幫佢剝17隻牙，又話有啲人就係嫌貴唔捨得剝咁多隻，搞到之後又要再麻醉隻狗多一次，即係辛苦多一次。」
李思雅鬼遮眼，心慌意亂下居然同意醫生一次過玻愛犬剝掉17隻牙！佢見到自己愛犬得翻上顎4隻牙，及心痛又難過。冷靜落來之後，李思雅覺得意識到自己貌似被騙，故佢怒罵動物醫院：「搶錢醫院兼醫死狗」。
回憶昔日同狗狗一齊嘅快樂時光
佢回憶之前同狗狗一齊嘅快樂時光說：「咁都未算慘！手術前我仲同狗狗行山，佢完全睇到嘢，視力正常冇問題！點知做完呢一個剝牙手術，兩隻眼完全盲咗，一啲野都睇唔到！」
李思雅內疚令狗狗失明 網民普遍指責佢不負責
李思雅自責事前沒去多幾間醫院查詢，令愛犬失明。佢內疚話：「我真係好唔安樂…我唔知道剝牙可以搞到咁嚴重，以為只係小事，冇再去多幾間寵物醫院查詢，點知睇咗間黑店，可能根本就唔需要剝17隻牙，可憐嘅狗狗盲咗，我都有責任。但想借此提醒大家一定要小心選擇動物醫院，如果唔係後果可以好嚴重！」
事件出街後後，不少網民一樣覺得憤怒：「咩醫生啊！點可以咁多隻㗎！」更多的網民指責佢：「牙爛到咁唔係一日嘅事！」、「主人腦進水，狗狗真係被你害慘了。」、「你比佢做呢個手術，你都無良啦！」
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
