【男女相處】老婆三年要求搬屋18次！原因竟然係：發現屋企有曱甴！

撰文：Andy｜圖片： TVB、變種DNA｜編輯：海月

三年搬屋18次 原因僅僅係發現屋企有曱甴

印度波帕爾（Bhopal）一對夫婦因為曱甴而離婚，事源女方極度害怕曱甴，一見到曱甴尖叫就係基本嘢。最誇張嘅係佢為咗避開曱甴，每一次喺屋企見到曱甴就決定舉家搬遷！

三年內已搬家18次。對此，她的丈夫感到十分疲憊，並因忍受不了親友的嘲笑，最終決定申請離婚。

一切源於喺廚房見到曱甴 家人對其恐懼感到震驚

印媒報道，呢對夫妻於2017年結婚，雙方一直都好甜蜜。直到有一次女方喺廚房見到曱甴，佢嚇到瘋狂大叫，即刻轉身就跑出廚房。

呢件事之後，全家人都俾佢嘅叫聲「震撼」到，禁止咗佢踏入廚房。但係佢就唔滿意啦，更認為曱甴並非只存在於廚房，稱成間屋都係曱甴。所以佢就堅持要搬屋。

呢一次搬屋彷彿為佢打開咗一個潘朵拉嘅魔盒。自此之後，佢一喺屋企發現曱甴就搬。老公就慘啦，佢話結婚年來，佢哋兩公婆已經搬咗18間屋。

老公多番努力仍冇效果 最終無奈離婚

二人頻繁嘅搬屋，導致雙方婚姻陷入冰點。丈夫曾經曾向印度社福機構求助，希望能夠得到支援。不過最後無助改善雙方感情。

更誇張嘅係，丈夫更帶妻子去醫院睇精神科，妻子就表現出嚴重嘅抗拒情緒！妻子非但拒絕服用任何藥物，更指丈夫不嘗試理解自己，反指丈夫嘗試用精神科藥物令佢精神錯亂。

最後，丈夫和其親友因受唔住旁人嘅嘲笑而決定離婚。