揸寶馬接放學工人拎書包 中學生返學排場勁大
廣告
相信好多人都會因為無錢而煩惱，但原來太有錢都係煩惱。有位家境唔錯嘅中學生喺網上發文指屋企人非常疼惜佢，所以會輪流揸寶馬車接送返學同放學，期間仲會有2位工人姐姐陪同拎書包返學，所以喺同學嘅眼中就成為咗「炫富」嘅象徵，甚至會出言取笑佢，令到佢大呻屋企人咁做令佢好唔舒服：「好想擺脱我班屋企人嘅魔爪！」
家人過分疼惜
樓主喺IG發文表示今年就讀中三，期間一直由屋企人揸車接送返學同放學，沿途2位工人姐姐唔單止會一直陪同，仲有時會幫手拎書包，令佢非常尷尬，又指屋企人要佢到中4先可以畀佢自行返學。轉季嘅時候爺爺嫲嫲唔捨得佢天寒地凍等巴士，所以都會揸車接送佢，再加埋2位工人姐姐，每次接放學幾乎都至少有4人，令佢非常尷尬。
受到同學取笑
同學每日見到樓主返學放學都坐私家車會取笑佢：「唔識點樣返學同放學」，又會話「車牌名好奇怪」，令到樓主非常無奈同尷尬。樓主表示只係想過一般中學生生活，唔想屋企人咩都管住晒。帖文一出即引起網民熱論，部分網民認為樓主身在福中不知福「建議珍惜而家嘅生活」、「我都想體驗下因為有錢而俾人笑嘅感覺」。不過亦都有網民認為青少年注重同輩睇法係正常，屋企人唔應該過分緊張。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
圖片來源：YouTube＠Yumi Chung 鍾柔美, 《青春本我》劇照
