返零售業兩日即被上司迫跑數！打工仔大呻壓力大：老細話咁樣過唔到試用期
返新工兩日被老細怒Chur跑數！
零售業的寒冬都維持了一段時間，相信當零售業的打工仔壓力都相當大。而有網友在市道差的情況下，轉行做零售業，就遇上變態上司，返工兩日就被怒Chur，令網友超大壓力！「第二日返工上司就要我記得晒店鋪所有產品既英文縮寫，價錢，功用同埋要識計晒日常鋪頭運作既文件。」就咁聽，似係上司希望新同事快點上手，為人比較性急。不過，猜不到新同事未上Training，上司已經落力鞭策網友追數。「仲要即刻跑數做生意，每張單要over 800蚊，如果客人只買1件產品或者無做會員都會比佢鬧到狗血淋頭」
被上司怒Chur的網友，當然非常大壓力，不過網友依然想做好份工，以自己的努力，渴求可以盡快獨自處理到店舖運作，於是網友主動自己試開櫃桶，記下產品位置，並主動問同事，攞簿仔抄達7頁紙，不過有些運作卻抄唔切，就被上司話認為「對工作唔上心、唔認真，係黎玩既！」令網友崩潰。
打工仔大呻大壓力：其實我係新人，唔係超人
及後網友在網上大呻委屈。「其實我係新人，唔係超人，可唔可以比少少適應時間我呢？一埋位就想我十八般武藝咩都識，又話我咁樣過唔到試用期，終於忍唔住喊住返屋企，我壓力好大啊，不禁懷疑自己係咪唔適合返工，但唔返工又會手停口停，比上司踩到覺得自己好無用。」
網友齊安慰打工仔：問心無愧，自問盡力便可
而網友們都齊齊安慰樓主，認為佢已經做得好好「第一日咩都識，你就系經理喇！問心無愧，自問盡力便可。」仲有網友認為都係上司問題，唔應該質疑自己的能力「懷疑老細要求太高好過懷疑自己。」、「市道差老細實更加變態」、「什麼零售咁巴閉，最低人工想請個超人？」
資料來源：香港討論區
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
