AA制｜平時食飯經已AA制！突被男友要求「幫手分擔油錢」、女友求教：載另一半都要收錢？

撰文：海月｜圖片來源：Dcard、TVB｜編輯：odin

AA制｜女友求教：載另一半都要收錢？

一段男女感情入面，難免會喺金錢上會有所交集，有時都容易因金錢問題而令二人發生爭執。早前就有一位女友喺網上求教：平時買嘢、食飯都同男友AA制，不過對方早前竟突然問能否分擔油錢，不禁讓她忍不住問：男友開車載我收油錢是很普通的事嗎？

原來二人拍拖快要一年，而平時二人買嘢、食飯都係「AA制」。女友更表示「一開始就有討論過這個問題，兩個人都覺得可行，所以就一直延續到現在」。不過喺三個月前，男友突然有一日面有難色地咁問佢：是否能幫忙分擔油錢。而女友亦當下並無多想就答應。

不過當到真正開始實行時，女友就總覺得怪怪哋 「出遠門開車油錢我可以分擔完全沒意見，但在市區內他載我的話，其實油錢很難算， 總不能跳表收費吧！」所以女友每次都必須問男友「要出幾多油錢」，令佢有種「自己叫Uber出街」嘅感覺。

女友亦表示本身自己會揸電單車出去，所以除非有特殊狀況，否則都唔會麻煩男友去載佢。女友發問令一眾網民瘋狂發表意見，更意外地分為兩個黨派！

部份網民認為男友要求分擔油錢實在太誇張，更表示「這種錢是自己要承擔的，養不起為什麼還要買車呢？」、「老實說， 連油錢都出不起， 為何要開車？」、「平常AA就算了，偶爾才搭幾趟也要算，你又不是把他當司機」。

不過亦有網民認為男友想收嘅並唔係著重於「錢」，而係「心意」。特別喺長程車及外遊時，唔少揸車網民都表示支付部份費用亦算係「家教」、「禮物」一種，更有網民提意其實平時就算唔使支付油費，亦可代為支付停車場錢。不過最多人希望女友跟男方坐下溝通，因為擔心對方家中經濟方面突然有困難。