【張晨】《對唔住..有啲人天生就唔係反應彈》
【張晨】《對唔住..有啲人天生就唔係反應彈》
text-張晨 photo-電影截圖、Youtube截圖edit:希彤
有句說話係「我唔係黑面，我只係冇表情啫。」
相信好多人都感同身受。
呢個社會好奇怪，明明唔係好關你事，
但又渴望你畀反應。
有時真係攰到面癱，
唔係唔想理你，係我真係笑都冇力。
但換嚟嘅就係一句「你真係好冇癮。」
工作上更甚，無論會議上、早會上、Lunch嘅飯桌，
大家都覺得你應該畀反應，
應該點頭，應該拍手，應該自high。
可惜，懂自high的人不多，我天生就不是一個反應彈，
微笑已經盡咗我最大努力。
不過，咁就落得「唔合群，對工作冇熱情」嘅罪名。
我都唔明，點解有人覺得「返工一定要show到勁開心」。
做到嘢，唔惹事咪ok囉。
唔通，我要為小小事就笑到崩潰， 面對爛gag都要舉起手指大讚「你好有才華呀」咁咩？
做得到，但我唔想做。
只係，社會總會逼你做。
我都知道，「反應彈」呢個角色好討好，佢點都交到戲。大家都放心同佢傾任何嘢，喺佢嘅反應底下尋找些微自信。
令氣氛維持喺「還不錯」嘅溫度下。
但如果「娛樂大眾」就會「辛苦自己」，你又會點揀？
好多人都曾經，選擇娛樂大眾。
不過性格真係唔適合，你嘅「反應彈」壽命總會完結。
喺社會工作數年，亦只有一個總結：
我係一個稱職嘅「反應彈」，
同時係一個已經退役嘅「反應彈」。
或者會被當成離群，
但至少與自己的性格很合群。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
