東京奧運張家朗金牌公仔被拎走！黑面行過+故意拿錯？意大利銀牌選手IG慘被洗版、網民補鑊：唔好失禮香港OK？

撰文：海月 ｜圖片來源：Twitter、IG、LIHKG

東京奧運張家朗金牌公仔被拎走！意大利銀牌選手黑面行過+故意拿錯？

香港運動員成功殺入奧運決賽，心情當然特別緊張，面對上屆金牌得主意大利選手格羅素，張家朗沉著應戰成功發揮水準，最後用實力奪得金牌！

不過張家朗在接受訪問時，格羅素期間在背後經過，有網民直指二人不但沒有打招呼，格羅素更是非常黑面。有網民覺得格羅素在訪問中途於訪問者後面行過是非常無禮，不過其實在格羅素經過的片段中，二人曾對望後及後張家朗亦向對方說出「Thank you」，所以有網民估計是格羅素向張家朗說出恭賀語。

而在頒獎禮時因為疫情關係，所在活動都以「減少接觸」為先，所以頒獎時不論獎牌或紀念公仔，都由得獎運動員自行拿取及戴上。不過當格羅素領取紀念公仔時，銀牌的格羅素就錯拿屬於張家朗的金牌公仔，雖然有網民指他一時意氣輸不起，不過亦有網民力撐可能只係「一時錯手」，因為大會人員交代不清而致，而早前其他頒獎禮亦有出現運動員「拎錯」情況。

事後有網民指「拎錯其實問題好細，不過無即刻換返先係問題」，不過亦有網民持相反觀點：假如張家朗當時即刻叫對方換返公仔，咁先係真正尷尬！

大佬，係台上做換公仔呢啲唔太好睇， 唔駛好似「He pees purple」 咁人哋輸左都唔駛去到咁盡，就同人講「You loser, I’m a Winner咁

而面對種種對格羅素指責，事主之一的張家朗回應表示：「眼見對方心情欠佳，一直未敢上前交換」，更表示成功奪金已經很滿足，笑言「金牌分量原來是這麼重」。不過事件並無因而完結，有網民事後特意去格羅素IG留言，直指對方故意拿錯金牌公仔：You are totally NO sportsmanship in the Olympics，甚至有人直接inbox格羅素要求對方交還公仔。不過其實唔少香港網民都覺得行為太過份，絕對係非常失禮，即使補鑊：唔好失禮香港OK？

而早前張家朗亦Update金牌公仔經已安全拿回了！