床蝨入侵香港｜機場快綫被傳失守？港鐵回應！網民教3大自保方法
床蝨入侵香港｜瘋傳機場快綫被床蝨入侵 港人驚恐：任何布櫈都唔敢坐！
LIHKG上近日流傳一張WhatsApp對話圖，指有人在機場快綫的椅背上發現疑似床蝨蹤跡，更勸大家要注意，勿坐於公共交通工具的座位上。不少港人旋即把消息瘋傳，掀起熱議，指「真係唔明點解要整布櫈或者有毛毛嘅櫈，又污糟又難清潔，床蝨又易匿埋」、「膠櫈同鐵櫈好啲嘅，係機鐵啲毛毛櫈就易X街，下個會唔會到城巴」、「真係寧願佢用人造皮(膠) 都好過用布，布櫈勁多千年漬」、「全世界依家周圍走，香港奶獲係遲早事」、「其實一傳入嚟就大把方法傳播」、「床蝨唔係淨係匿喺布質傢俱，只要係窿窿罅罅，都可能有佢哋蹤影，有4個地方好危險，插蘇罅、地板牆腳、皮位罅、地毯，呢啲都係床蝨鍾意嘅地方喎，唔好以為皮座位就無嘢」。
床蝨入侵香港｜網民建議自保方法：用保鮮紙包好物品
網民紛提出意見，指出外都要自保，以防萬一。有人指「要習慣將所有嘢放喺門口check，唔好將啲嘢拎入屋內部」、「用保鮮紙包好重要物品出街，返到屋企入屋前扔保鮮紙，外套都要檢查好先得，用消毒噴霧係無用，殺唔死」、「千祈唔好用滅蝨彈，越整越多，要用高溫或者買定DE粉，買定蒸氣機，高溫殺死」。
床蝨入侵香港｜港鐵回應：未有發現床蝨
港鐵今（10日）表示，留意到網上流傳一張機場快綫列車懷疑發現床蝨的照片，昨晚已即時派員上車檢查，經仔細檢查後未有發現車上出現照片中的情況。而港鐵亦已經把相關列車即時收回車廠，進行徹底高溫深層清潔，而清潔過程中同樣未有發現床蝨蹤影。 外國開始傳出爆發床蝨問題時，港鐵已經作出風險評估及制定方案，公司有安排每晚加強檢查列車及清潔，並定期滅蟲。港鐵將會繼續密切留意情況，並且加強檢查車站及列車車廂，重點清潔非金屬座位。另外，港鐵亦指本星期開始，會為所有機場快綫列車、港鐵動感號高鐵列車、東鐵綫列車頭等車卡及迪士尼綫列車進行高溫深層清潔及防治蟲蝨工作。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
