【單親媽媽】24歲年輕媽媽拎綜援 抱怨無法儲錢 網民：咁又養到貓又用iPhone 11

撰文：Andy｜圖片：《星期日檔案》截圖｜編輯：海月

【單親媽媽】24歲年輕媽媽拎綜援 抱怨無法儲錢 網民：咁又養到貓又用iPhone 11

香港近年一直流行遲婚遲孕，不少女士都超過三十歲先選擇生小朋友，但仍然有一群人選擇年紀輕輕就成為母親。日前《星期日檔案》分別採訪咗3位年輕嘅單親媽媽，讓大家更了解佢地嘅生活和面對嘅困境。但其中一位受訪者晴晴嘅受訪片段就引起咗網民熱烈嘅討論。

現年24歲嘅單親媽媽晴晴係佢18歲那年產下了大仔，一年後又再意外懷上次子。佢回憶以前會做兼職，和男朋友輪流照顧兒子。但自己和孩子受男友暴力對待後，為自己同兩個兒子的安全，決定報警及離開男朋友。

現時晴晴獨力照顧兩名兒子，難抽時間全職工作，唯有靠政府一萬一千元港幣綜援過活。佢呻財政情況捉襟肘見，自己和兒子都不能生病，一生病連看醫生的錢都冇。如果真的需要格外花費，就會開口問朋友借。晴晴之後加入非牟利機構成立的「年輕媽媽會」並任主席，冀更多人了解年輕媽媽的困境。

聽完晴晴的故事之後，網民反應兩極。有人讚晴晴勵志，但亦有不少網民卻並不賣帳。網民質疑佢雖然拎綜援，但在影片中見佢用iPhone11同養貓，質疑佢生活是否真如佢所講嘅困難。亦有網民認為佢手腳健全，卻不事生產反而拎綜援，有濫用社會福利之嫌。更諷刺佢上節目的表現沒有讓社會消除對年輕單親媽媽的負面印象，反而係越幫越忙。