港男怒插「師奶買菜車應該考牌」 網民力數3大問題：點止呢樣仲有大把要考
港男怒極發文 呼籲女人用買餸車要考牌
不少買開餸的人都會明白買餸的困難，特別是買到一袋二袋時，每行一步路都猶如擔住石頭，更不要說撞正要買米買油的日子。因此，不少買餸人士都會特別準備一架買餸手推車，讓他們能夠將所有戰利品放在車內，輕輕鬆鬆推住車仔行就得。不過，這種師奶戰車有時亦會為其他市民帶來不便。早前，有港男就在討論區以「建議女人用買餸手拉車要考牌」為題發文，狠批街上有很多推著買餸車的師奶均目中無人，自己確實方便了不少，但卻苦了一眾路人！
曾遇1驚險情況 要靠惡霸出手相助
發文者憶述自己親眼目撃的買餸車實況，揚言「個師奶搭扶手電梯上，架車仔就放佢自己前一級」，正常情況下應該先將車仔推出去，自己再踏出扶手電梯，惟該名師奶卻「想將架車放翻自己背後，然後拉架車」。發文者怒斥師奶的行為「反智」，又形容當時「成條扶手電梯都係人，仲要等佢個拉架車仔出，爭d kick到後面班人X街」，幸得一名「惡霸」及時「一腳伸X開佢架車仔，D人先出到」，全個過程極度牙煙。
網民認同講法：點止呢樣要考牌
發文者的經歷引來大批網民熱議，有網民直言「好多女人行路本身已經唔睇人睇路，加埋架車仔真係無X敵」、「見過啲人搭𨋢推架車出先永遠都kick住推唔出，一仆一碌」。有網民更坦言除了推買餸車之外，尚有很多事情應該要考牌，例如「用八達通都要，都2024仲係可以放係個袋到嘟，仲要成日嘟唔到」、「搭電梯落到去遇到熟人，即場企係梯口同人傾偈我都見過」、「擔遮都要，矮過175cm就要考，避唔開真係會𠝹斷頸動脈」，可見網民對平時出街的情況十分不滿。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
