2歲男童飛機上遺巴斯光年公仔！美國航空公司千里物歸原主：附巴斯「任務照片」、「親筆信」

撰文：Andy｜圖片：Southwest Airlines Facebook 截圖｜編輯：海月

巴斯光年小石城完成「冒險」 男童攞翻巴斯光年玩具

據華盛頓郵報報導，1 月 30 日男童 Hagen一家正從加州飛往德州出席喪禮，他們在德州下機後，Hagen才發現自己將最愛的玩具「巴斯光年」遺留在機上。當時，母親向 Hagen 解釋「巴斯正在執行『特殊任務』，並將不久重回你身邊。」Hagen母親為咗唔仔仔傷心，她偷偷地喺附近商店購買新嘅巴斯光年玩具俾佢。

航空公司職員發言巴斯光年 主動寄回俾Hagen

同一時間，航空公司機組人員清理機艙時發現巴斯光年玩具，職員發現該「巴斯光年」的腳底寫有「Hagen」。其後佢主動搵翻張當日嘅乘客名單，證實「巴斯光年」屬於 Hagen。隨即職員聯絡Hagen一家，打算將巴斯光年寄俾Hagen一家。

航空公司貼心幫Hagen媽媽一齊作故仔

航空公司除咗寄回巴斯光年，更貼心地附上數張「巴斯光年」喺停機坪同駕駛艙「執行任務」嘅照片。仲用「巴斯光年」嘅名義為 Hagen 手寫一封信，報告自己嘅任務情況。

信中寫道：

「Hagen指揮官」

「我好高興可以係完成任務之後翻到你身邊。早前，我到訪阿肯色州小石城（Little Rock）嘅機場同航空站進行任務。

附上當時冒險的照片。今次嘅旅途為我帶來咗唔少啟發。

我非常感恩可以重新翻到你身旁。」

「巴斯光年」

Hagen 母親表示感動 15萬網民讚好航空公司

Hagen 母親事後接受電視台 ABC10 訪問，感謝西南航空的貼心舉動，「這個世界充滿著善良的事，有人願意花時間為陌生人做這件事，對我們來說意義重大！」

西南航空其後在 FB 發文分享這件「好人好事」，並刊出身穿「巴斯光年」服裝的 Hagen 與「巴斯光年」玩具的興奮合照，逾 15 萬人讚好該貼文。