巴士阿伯剪指甲剪到一地碎片 正義女乘客出聲勸阻反被爆粗怒罵
阿伯車上剪指甲 惹女乘客不滿對罵
有網民在Threads上以「CXS成日都話咩唔係老人變壞，係壞人變老，今日終於比我見識到了」為題發帖，她表示其姐姐日前搭巴士時，目睹有位身穿紅衣黑背心、頭戴黑色帽的阿伯在巴士上剪指甲，「本身都諗住唔影佢 ，但係嗰啲指甲聲大聲到痴線」，相信該名見義勇為的女乘客就是樓主的姐姐。樓主附上一段影片，片中見到該位阿伯在座位上剪指甲，可以清晰聽到剪指甲的聲響，隨後聽到樓主姐姐出聲勸阻「你整到成櫈成地都係喎」，然而該阿伯激動地爆粗「X你老XX，邊到呀」。樓主姐姐隨即用手指著地下「呢到呀，你睇唔到啊！」，阿伯見狀就指著地下指甲碎示意她拾起指甲碎片，反駁「你落去呀！攞俾佢（車長）睇呀！」。
阿伯懶理指罵 繼續搭車剪指甲
樓主姐姐繼續怒斥「你問下車長，搭車係咪可以剪指甲」，但阿伯就要求她落下層找司機，對方對此感到不解，並提醒阿伯「呢個係公德心嘅問題」。此時阿伯惱羞成怒，大聲反擊「你好道德啊？」，樓主姐姐回答「幾道德啦，我唔會喺架車度…」，然而馬上被阿伯打斷「你讀咗幾多年書咁巴閉呀」、「Ｘ你老X唔鬆化，啊你都夠寸」。樓主姐姐無奈表示「我吹你唔漲，呢個公德心問題啊嘛，唔係話特登去話你，你條褲、你張櫈、成個地下都係（指甲碎）」，情緒激動的阿伯繼續破口大罵「收聲啦，嘈住晒」，隨後懶理指責繼續低頭剪指甲、打磨指甲，影片就此結束。
網民反應與討論
影片發佈後隨即引起網民熱烈討論，不少人大讚女乘客「要大力表揚正義的乘客」，亦有人怒斥阿伯「真係好核突」。
批評阿伯行為
不少網民網民對阿伯在巴士上剪指甲的行為表示不滿：「巴士出咗告示唔可以剪指甲㗎喇喎而家」、「唔明點解佢哋有指甲鉗跟身」、「開口就X老母」、「好明顯佢最後係怯咗扮晒嘢喺度磨手」、「真係好核突，點解呢啲嘢唔喺屋企做？」、「剪完指甲啲指甲彈到周圍都係，邊個同佢執手尾？」。
大讚女乘客見義勇為
此外，亦有網民普遍讚賞女乘客的態度及勇敢行為「你態度好好，我好欣賞」、「要大力表揚正義的乘客」、「你家姐好叻啊！見到你女人仔一個，呢啲仆X會得寸進尺」、「做得好！支持！我平時都會開聲叫人唔好剪指甲」。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！