婆媳關係｜新抱不願與奶奶同住 日本研究出兩人相處最安全距離
廣告
婆媳關係｜要數到關係上最難處理的事情，婆媳關係複雜情況絕對係毋庸置疑，作為世界上最惡搞嘅婆媳關係一直困擾到唔少日本人，早前日本就進行咗一項婆媳關係嘅研究，研究指出婆媳兩人嘅「安全距離」，到底兩人距離幾遠最安全呢？
婆媳關係｜新抱不願與奶奶同住 日本研究出兩人相處最安全距離
日本不動產資訊服務公司「at.home」進行咗一項婆媳關係嘅研究。希望搵到各位新抱希望同奶奶距離幾遠最能維持雙方關係。
該研究訪問咗日本關西及關東兩個地區620名已婚女性，年齡介乎25歲至49歲，問佢哋心目中理想嘅「婆媳安全距離」。
安全距離或不相同 但98%人不希望同奶奶同住
報告顯示有接近4成人選擇「1至9公里」、兩成人選擇「10至19公里」。由此可見，新抱對於奶奶嘅「安全距離」並唔係太統一。不過，份報告就清晰指出，期待同奶奶一齊住嘅新抱只有1.8%！
最誇張嘅係有受訪者希望同奶奶相距1萬公里，相當跨越成個太平洋。可能佢覺得「越洋相處」最能消除雙方矛盾。
同奶奶同住搞到想離婚 調查公司推薦兩家庭相隔個半鐘車程較佳
「安全距離」大家各有不同，不過一目了然嘅係大部分新抱都唔願意同奶奶同住。該份報告仲稱，有超過5成受訪者曾經因為同奶奶同住而想過離婚。當中有超過1成人認為婆媳同住係兩公婆感情轉差嘅重要原因之一。
日本不動產公司「athome」稱，根據調查研究計算出「婆媳相處安全距離」為69.8公里，大約1.5小時車程。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！