遇著野蠻女朋友網民上網求救 巴打被踢爆自編自導呃Like

撰文：Mike丨圖片來源：高登討論區、電影劇照

女朋友脾氣難忍

事源在高登討論區在網民求救，指自己「同呢嗰女朋友一齊咗唔耐，幾個月」，但經已不時因小事而爭執，「每次都好難哄返佢」。

他提到「對上果次好誇張，我唔知係我問題定佢問題，事源係幫佢買嘢，但我就出去幫佢搵，咁我搵唔到就打比佢同佢講返件事，期間我可能唔覺意講嘢大聲咗，（其實唔係好大聲，只係想強調下搵咗好多間都搵唔到），佢就話咁惡做咩啊？我心諗有幾惡啊，我一心想幫你搵先講嘢語氣重咗少少，之後佢就cut咗我線」

「就係咁嬲咗我4-5日。留意返，呢幾日入面有4日係我講咗無數次嘢都係0回覆。最後係想嬲到講分手果種，我同佢講洗唔洗因爲咁小事而嬲我咁耐同要講埋呢d嘢啊，佢話你每次都係咁，次次激嬲咗我又推卸責任」

甚至有一次「佢叫我11點叫must打比佢叫佢起身食藥，咁我有嘢忙緊就睇咗下就算，我中間有覆過佢過仲忙緊，遲多少少打比你，咁我忙完12點打畀佢，佢無聽，之後佢話 點解連30秒時間都唔打畀佢就嬲到而家，我中間又例牌係咁哄佢，但都無覆，啱啱覆咗又喺講我邊度唔好，雞蛋挑骨頭，聽日都唔知點面對佢好」

到最後該網民亦提到「我女朋友係獨女嚟嘅，由細畀人寵到大，唔知係咪呢嗰原因，所以咁大小姐脾氣？我應該點教佢好」

網民質疑高登Admin自編自導？

至於高登巴打們自己怎樣看？當然會有人化身兩性關係專家，以各種理由勸事主分手為上「當你係兵仔，過下時間玩下」、「飛啦，條女真係當自己係公主咩」，「一睇就知無未來 感情唔深就快啲飛咗佢 ，現實同歲月會教識佢做公主嘅下場，到你3章嘢睇下你仲扮唔扮公主」。「你肯定佢當你係男朋友？」

不過此時就有眼利網民發現，該網民的帳叫原來是新開戶口，而且同樣情況早就在「兩性關係」台出現多次，每一次都是單純回覆兩次過後就從此消失不再回應甚至發文跟進，懷疑是高登Admin為求推高網民互動，而以新戶口自編自導故事（又稱假膠）。

有網民勸分手

另一方面亦有不少網民全心相信事主，表示「你想像一下如果你結婚你一世都要咁做工人，人係唔會變噶，你唔好幻想你可以改變一個人。老老實實就算大波大蘿你估過咗40歲仲有冇?但係個性格依然咁衰，到時你仲死，對住嗰老公主，之前仲話可以Hi下爽，老咗你對住嗰爛茶渣對住你發爛渣。到時離婚又麻煩，Hi多兩次分手啦。」

亦有網民說出「唔好相信任何人同你講 “可以改變到佢”, “遲 d 佢會改”,人嘅性格, 係唔會改變。 永遠唔會改變。 最多最多係改少少, 即係原本向東, 而家改為向東偏南 5 度。同呢種冷暴力脾氣嘅人相處係浪費時間，人生得一次, 都係八十幾九十年， 唔好浪費時間喺呢種人身上，人嘅感情同時間好珍貴，用嚟哄人仲要得唔到回應， 不如射落海好過， 起碼有水花睇下。」