女友訓覺半夜漏M！男友即時發嬲發癲、下場竟然係…

撰文：Andy｜圖片：Dcard、《幕後玩家》、《鐵馬尋橋》、《再創世紀》 截圖｜編輯：海月

女友漏m 男友發嬲 發癲推女友撞墻 並趕出家門

女人M到實屬是正常生理現象，流量難以控制，呢啲常識小學都有教。作為男人獲悉身邊人M到情況，應該要體諒同遷就。不過最近有女網友喺Dcard出post講述自己男友見佢漏M時嘅「冷血」行為!

該女網友喺Dcard出post稱「因為我漏M男朋友出手推我」，佢表示知道男友一直以來都有潔癖，而自己則不修篇幅。但對方除咗有潔癖之外，睇上去仲有少少控制狂嘅傾向。女網友稱：「每次佢見到我屋企咁亂都會幫我摺衫執房拖地，佢仲成日要求我每日要整靚間房再影相俾佢睇，做得耐我就覺得好麻煩，點解間房都要佢管，又唔係佢住。」

上星期佢去男友家過夜時，女網友正好M到，不過男友並不是體諒和照顧女網友，而是多次要求「唔好整污糟佢張床」，男友仲命令女網友「瞓覺仲維持一個姿勢唔郁」。

最後，女網友還是不小心漏咗M。男友見到床上有經血，即刻大發雷霆！佢失去理智仲大力將女事主推向牆，並且立即趕走事主。女網友稱自己即場流淚爆喊，直言「依家都唔敢搵佢」。

網民提醒 家暴只會有零次和無數次

大量網民「感建分」感情問題一律建議分手。不過亦有網民認真留言稱：「有潔癖還有潔癖，但一出手就可以不用再考慮」、「會出手郁女朋友嘅男人真係唔要得」，「家暴只有0次或無限次」；希望事主能夠理性分析。