【土地問題】連登仔一個動作被樓上鬧！出post求公道竟再被網民鬧爆
撰文：Andy｜圖片：連登 截圖｜編輯：海月
連登巴打陽台煲煙被樓上鬧 出post求公道再被網民鬧爆
近日，有巴打喺「連登」出post求公道，佢話自己平時放工翻到屋企後同食完飯之後，都會佢自己屋企陽台煲煙。佢仲強調每次自己食完煙都會守規矩，將煙頭丟落馬桶沖走而唔會隨手掉落街。
不過佢樓上最近搬來一家3口新居入伙。佢前排照舊出陽台煲煙，卻點都估唔到新來個夫婦二人樓來拍佢門。對方鬧事主喺陽台煲煙會搞到「啲煙攻咗上去，臭親佢個仔」。
事主就隨即話自己以後會食少啲，希望解決呢個紛爭。巴打就自稱自己係「好聲好氣」咁向對方道歉。點知佢嘅服軟態度卻未能換取對方嘅原諒，仲揚言會用「震樓器」報復。對方話到名事主再食煙就日日用「震樓器」嘈佢瞓覺，巴打就喺連登問佢：「係咪應該同管理處講聲定唔理佢？」
網民反應兩極 兩方爭論激烈
呢個post一石激起千層浪，網上隨即引起熱議。不過，網民對呢件事就反應兩極。有人就稱事主，認為事主喺自己陽台食煙係自己嘅自由，亦有人反問：「屋企禁煙？」仲提議佢：「日日露台燒香」。而批評嘅就話：「你自己唔想屋企有煙味就出露台食搞到人哋屋企都聞到」、「咁點解要出露台食？自己客廳坐低食唔得咩？」、「咁點解唔死返入屋食?」亦有人形容他的行為自私，「自己快樂建築喺人地痛苦身上」。唔知你有點睇呢，歡迎大家留言討論下啦~
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
