屯門仁醫爸爸不計較街坊診金！堅持應診至生命最後一天　兒子：會傳承衣缽做好醫生

撰文：Andy｜圖片：徐嘉賢Facebook 截圖｜編輯：海月

屯門仁醫從不計較診金工作至生命最後一天　醫生兒子：傳承衣缽做好醫生

台灣兒科醫生KOL徐嘉賢最近開咗自己嘅診所，佢直言自己想自己父親能來道賀，不過佢早已離世，但父親嘅醫德和精神係佢在行醫道路上嘅指引明燈。徐憶述，父親係香港註冊醫生，工作地方只係一個位於屯門嘅舊大樓，大細唔足8坪大小嘅辦公室。

自徐嘉賢幼稚園中班開始，父親就幫附近街坊鄰里睇病。細路仔嘅佢會到父親辦公室做功課。佢會將簾子拉起來，攤喺診療台到做功課。佢一抬頭就可以見到父親點樣應診。佢憶述父親對待患者好溫柔有耐心，經常會慢慢咁同病患講解病情。

而面對經濟上有困難嘅患者、外籍勞工等朋友，父親不太會同患者計較應診收費。徐嘉賢解釋，因為父親也曾經辛苦過，將心比己亦好能體會到弱勢社群嘅艱辛。父親咁樣嘅工作態度深深影響自己。

仁心仁醫 生命最後一日仍然堅持到診所應診

天不從人願，徐爸爸於10年前因腹部主動脈瘤破裂突然離世。提起這段傷心往事，喺徐嘉賢嘅post嘅字裡行間都感受到佢心中嘅痛感：「爸爸個性很刻苦耐勞，做事情很努力。這是優點、同時卻也是他的致命傷。他突然走的那一天的早上，忍者劇烈腹痛還在工作，原來腹部主動脈瘤破裂⋯⋯好多個遺憾、好多個假如，都來不及了。真的可以體會到「愛要及時」這句話。」

自從爸爸離世後，身為獨仔嘅徐嘉賢就同媽媽一齊前往高雄同住。然而早前，母親亦因肺腺癌過身⋯⋯

台灣醫生KOL 高雄醫大畢業 Facebook開Page分享醫學資訊

徐嘉賢醫生畢業於高雄醫學大學醫學系，開設Facebook Page「黑眼圈奶爸Dr. 徐嘉賢醫師」，不時分享醫學資訊，間中抒發些個人感受。徐嘉賢開設的兒科診所3月2日正式應診，網絡上揚起一片祝賀聲。