喺香港窮係原罪！月入萬零蚊公屋仔港男 慘被女友父母嫌無出色逼分手：你一世都買唔起樓！
撰文：海月｜圖片來源：LIHKG、TVB
港男慘被女友父母嫌無出色逼分手
雖然話「拍拖，係兩個人嘅事」，不過面對香港物價、樓價通漲不斷，好多時愛情都要被逼諗埋「麵包」。日前就有港男網上以「喺香港窮係原罪」為題發文，大呻遇上嘅感情煩惱。
原來因為港男低學歷加上住公屋長大，而女友一家則住私樓。雖然港男大讚「性格滿分」、「好順得人、零脾氣、唔拜金、肯同我一齊過低物慾生活」，而且二人感情亦相當好，交往一年多從未吵架。所以港男亦儲錢打算一年後求婚，更揚言「非她不娶」！
不過因為二人出身差異大，加上港男雖然年過30但仍月入不過2萬，令女友父母嫌無出色，更向女友施以壓力：「佢一世都買唔起樓，一齊唔會有前途」！因為某日二人見面時，女友「一見面已經喊緊，全程又係咁喊」，最後喺港男追問下終於將父母反對一事全盤托出！
而港男在事前亦事覺有蹺蹊，原來之前港男約女友家人食中秋節飯，不過一直都約不到時間：
「已經覺得奇怪，原來係佢地根本唔想同我食」
女友雖然哭訴表示不捨得港男，覺得港男很愛自己，不過自己面對父母壓力時感到很辛苦。而港男當時亦自覺自己「無能力俾到幸福佢」，更不忍女友跟父母反面，決定跟對方和平分手，希望女友能趁年輕「搵過個有能力、父母又順眼」對象。
但事後港男又發現自己始終不捨得對方，向網民求教：
「應唔應該再掙扎下？定係唔好害人？」
雖然唔少網民都留言安慰樓主，指「錯不在你」。
不過有更多人批評港男問題較大，直言窮並非問題，而是在對方身上看不到希望。大家又覺得點呢？
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！