兩餸飯｜晚市再放寬兩餸飯恐被淘汰 生意跌4成 店主1理由繼續堅持
兩餸飯｜晚市再放寬兩餸飯恐被淘汰 生意跌4成店主1理由繼續堅持
隨住晚市堂食進一步放寬，行政長官林鄭月娥宣布提早開放8人一枱，晚市亦由10點延長至午夜12點，宴會人數上限由20人增加至120人，酒吧、浴室、夜店、卡拉OK、麻雀館、郵輪即將重開，酒吧可營業至凌晨2時及最多4人一枱，戲院容納人數由5成增至8成半，觀眾可以在場內進行飲食。
兩餸飯曾一度成為香港飲食主流，更開到成行成市，但隨住晚市堂食放寬，購買兩餸飯的市民逐漸減退，唔少曾一度轉型賣兩餸飯的餐廳，亦隨住晚市延長而重開，隨住越來越少人購買外賣而選擇堂食，兩餸飯前景越來越不樂觀，甚至有機會被淘汰。
兩餸飯｜生意跌4成店主咁樣回應
有兩餸飯店主指，晚市放寬前生意一度增加達2成，但放寬當晚急跌了4成，即每10個客人就走咗4個，店主更直稱：「因為大家實在太耐冇聚過喇，好似我陣間都約咗屋企人食飯。」「生意係會擔心嘅，不過人冇可能贏晒㗎嘛，經營到，合理就算ok。」
而另一間兩餸飯巨頭老闆亦指：「因為之前都好忙，大家同事都辛苦咗好耐，晚市放寬堂食，等同事包括我哋自己，都可以約吓家人朋友聚一聚，畢竟生活不是只有工作。」「我哋同大家一樣希望疫情盡快過去，人人有工做個個有飯開。我哋只有努力地做好自己，加強自己，多啲轉換一啲新嘅有特色嘅菜式，令到客人有更多嘅新鮮感，生意不用太擔心。」
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
