倫敦金Wechat美人計騙局大整合！大批苦主為戇直中佬 兩星期痛失幾百萬當買教訓！

原文刊登於 環球膠報｜圖片來源：「香港倫敦金騙案」Facebook、LIHKG | 編輯：150cm女孩@Central

呢班「偽高層」，實為「下線sales」，佢哋經常喺FB貼出大量名牌手袋、珠寶名錶晒命，向目標「獵物」展示「實力」，等佢哋容易啲落搭！實情係，呢啲貴重物品，只係呢班「下線sales」向公司借返嚟嘅道具，用嚟騙取受害人嘅信任，真正能牟取暴利嘅，就只有公司嘅「真．高層」，班「下線sales」都係公司嘅搵錢工具嚟㗎咋！

「倫敦金Sales」最常用嘅「釣魚」方法，就係利用WeChat嘅「附近的人」交友功能去結識男性，佢哋嘅相片通常都係年輕貌美、身光頸靚。但係，操作呢啲帳戶嘅並唔一定係女人！有啲男Sales會用靚女同事嘅相嚟搵獵物㗎…hehe…

當受害人同騙子「相處」一段時間後，如果受害人想約「倫敦金Sales」見面，呢班「囡」通常都會諸多藉口去推搪，皆因呢個WeChat帳戶嘅操作者可能另有其人，並由呢個人實際執行騙局，就如「Angel案」咁，受害人連個女仔隻手指尾都未掂過，就傻下傻下畀人呃咗二百萬了！

除咗男人，倫敦金騙徒嘅另一種獵物就係長者！呃長者就仲簡單，假意嘅噓寒問暖，關心一下寂寞老人，扮下乖乖仔乖乖女，咁就搞掂啦！

各位精明網民，睇到呢度，相信你哋已經強烈恥笑緊呢班騙徒同受害者！提番大家，無論幾想識女仔都好，切忌只用下半身思考！

唔好話唔提你哋！執番個腦先，請勿胡亂衝 ！

佢哋經常喺貼出大量名牌手袋、珠寶名錶晒命，向目標「獵物」展示「實力」，等佢哋容易啲落搭！

年輕貌美、身光頸靚，引誘到班男人暈晒浪

操作呢啲帳戶嘅並唔一定係女人！有啲男Sales會用靚女同事嘅相嚟搵獵物㗎

倫敦金騙案手段層出不窮

話說有位巴打喺TG Group畀一個叫Emily做金融嘅女仔加做Friend，話說入得呢個TG Group嘅巴打都一定係見識無數女仔，無啦啦有女仔加自己，巴打肯定打醒十二分精神啦！

點知傾一輪偈之後，呢個女仔就露出真面目，做Friend就假嘅，叫你買倫敦金就真！

當巴打知道佢真面目之後，都無有怕，決定同佢玩到盡啦～見佢咁想開單，就問個女仔開唔開床單！

點知佢竟然寸呢位巴打，咁即係挑機TG谷友啫！

巴打直頭自己放上連登！

再到TG 谷發放對話圖！

唔少谷友都認為個女仔今次捉蟲啦！

亦有谷友懷疑呢個倫敦金女神好有可能係假，只係男人扮，但求開到單而開嘅假帳號！

呢個谷友建議：咪叫佢Po上連登睇下邊個死，講到明班連登巴打實唔會放過佢。

同一時間，原來有個谷友亦曾經被呢個女仔叫過買金，於是決定玩玩佢！

谷友大玩「TG谷無間道」問佢知唔知自己被人放上谷！

個女仔好坦白承認，呢名谷友亦好大方咁話幫佢放上連登～

之不過就有條件！要識佢真人。呢個谷友精靈，對方亦唔蠢，梗係唔會中計啦～

經花生佬一輪起底，發現呢個Emily，並唔係所謂倫敦金女神，亦唔係Emily！呢一切一切都係假～

其實呢個女仔係台灣靜宜大學的學生叫Celine，原來仲要係台灣KOL，長相亮眼又身材出眾，尤其是弧度美麗性感臀線！

尤其換上三點式，無論係正面定背面都非常有睇頭！

前凸後翹好身材！

倫敦金騙徒被捕

騙徒嘅手法層出不窮，警訊都時不時提醒市民唔好咁易畀人呃，但總會有人中計，分分鐘騙財又騙色。呢名港男因為用WeChat 交友，而中咗人哋嘅美人計痛失兩百萬。

大批警方商業罪案調查科人員及機動部隊，掩至北角一間曾大賣廣告、專營貴重金屬買賣的知名投資公司調查，帶走多名人士。

Wechat 騙局一波接一波

繼上次港男wechat「附近的人」，畀人跣咗鑊甘，痛失200萬之後，又有一巴打上載對話圖，指同樣被騙！

仲搬自己公司嘅師爺出嚟大9個巴打，睇怕依家佢哋要嘗試下搬個師爺去大嗰班商業罪案調查科！

呢位巴打亦聲稱已經報案！

Wechat 騙局

每一段感情結束嘅時候，都會令人明白一個道理：帶眼識人。而呢位港男唔單止冇帶眼識人，仲要因爲玩 WeChat「附近的人」，畀人跣咗鑊甘。

呢位港男中咗「美人計」嘅投資騙局，令到佢喺半日內冇咗近200萬元嘅本金。呢個「美人」仲唔收手，仲話要「分手」，要求加碼400萬元畀佢操盤。好彩港男都畀唔晒，最後都知畀人呃，踢爆「美人」嘅大話。

「見佢幾靚女，同埋大家幾好傾，佢話冇男朋友，我心諗大家有冇發展機會呢？」呢位港男Kent已經40幾歲，係一名專業人士，今年四月喺微信「附近的人」交友，咁就畀「Angel」嘅靚女icon吸引住，加埋做好友，愈睇就覺得佢唔錯，以為今次終於搵到值得交往嘅對象，仲展開追求。（所以話：睇人唔好睇外表～）

而「美人」Angel自稱單身，話係港大畢業，做金融分析師。Kent就覺得大家都係專業人士，感覺上同佢好襯，最重要係佢先28歲，真係後生又靚女！兩人認識後就時不時用WeChat溝通，加上佢哋喺投資方面又好鬼投契，好快就熟咗，仲通宵講電話。Kent仲話當時火速墮入情網，畀對方孝順，又經常做義工，有愛心所吸引，認為佢係難得的「好女仔」。（戀愛中的人智商真是⋯⋯）

之後Kent知道Angel做金融投資，而且壓力都幾大，於是喺佢哋相識第7日（連約會都未開始），Angel就提議佢先投資100萬元炒賣黃金，仲話保證風險最多蝕20萬元，又撩下佢咁話：「其他人都係靠收手續食飯，但我唔會收你手續費，我等你畀家用。」（高招，高招！）

Kent見Angel似乎都對自己一往情深，加上想幫佢喺工作上「達標」，就應承佢去佢嘅投資公司開戶，嗰日兩個先首次見面，先知佢係助理副總裁(巿場部)，就應承存入100萬，仲簽埋授權書畀佢操盤。（係愛呀，哈利！）

Angel梗係唔知咩叫見好就收，第二日Angel又叫佢加碼到600萬，聲稱「回報最少2百萬，風險先78萬。」她仲應承拍拖，Kent一下子就畀愛情沖昏頭腦，加上對方保證止蝕80萬元，故再投資500萬元。「點知第二日起身，睇下個帳戶一共有300手買賣，一晚帳面就蝕咗200幾萬，我即時全部斬倉，如果再遲啲可能連渣都冇剩。」埋單結算後，Kent共蝕咗180萬元，之後佢都有攞埋剩低嘅420萬元，Angel就不斷埋怨佢斬倉，如果唔係好可能賺回數百萬元。

人嘅慾望係無止境嘅，Angel再出招：「如果相信我，400萬交畀我操作。」但當Kent拒絕後，Angel就發火：「咁唔信我，大家分手！」好彩Kent事後都揭發原來一切都是大話！「佢講嘅嘢全部係假，包括唔係港大畢業、無金融分析師資格、有男朋友，連報的住址都係假。」同佢只係「拍拖」兩星期，就冇咗「兩球」，「我哋見面得四、五次，拖手都只係兩次，佢根本係感情騙子。」（兩百萬買個教訓～）

事後回復清醒嘅Kent就梗係唔會就咁就算，就話Angel承諾風險最高是蝕80萬元，要求佢同其公司賠償，但反而畀佢威嚇「將個人資料及聊天紀錄上載上網」，佢於是決定報警處理，還自己一個公道！

同類型事件又點止一單半單，或者有人仲未能抽身啫，呢個Angel相信撈得唔錯，疑似埋到堆！

連登巴打疑似被騙

疑似有連登巴打發現被騙後，到社交平台尋人！