公司長期請人，但日日都有散水餅？！盤點伏工8大特徵｜新蚊熱話｜
撰文：Pi｜圖片來源：劇照｜編輯：CC、火星異種人（原文刊於新假期）
8個伏工特徵
1.全公司無人做超過兩年
有網民表示有公司開咗十幾廿年，但全公司除了老闆外，沒有人做超過兩年，最資深的同事亦只做了年幾，所謂「核心員工」仍然可以被炒。
2.日日有散水餅食
這點相信不用解釋都會明，一間公司人員流轉過快，很明顯是公司內部一些長期未解決的問題存在，有可能是工作環境、同事鬥爭、工時過長，導致員工流水式辭職，自然日日都有散水餅食。
3.辦公室氣氛低沉
一踏入辦公室所有同事志氣低落，雖然每個人都認真工作，但全部都像機械人般毫無生氣，返工返到失去自我和目標。
4.返工唔俾掂電話上網
雖然一間公司當然希望員工能夠全心全意咁工作，但係唔俾用電話又真係有啲過份。如果咁啱屋企火燭又或者有咩急事，係咪個老細賠償所有損失先？諗得出要人唔好掂電話果位仁兄，我都唔知要俾個嬲定俾個哈哈笑佢。
5.放工無同事走
就算你準時走，第二日都會有說話聽，或者會用壓力去令你唔敢走，例如其他同事仲做緊野等。
6.公司宣揚「一家人」宗旨
口裡講大家係「一家人」，要有「家文化」等，但其實入面辦公室政治最勁。
7.招聘網長期請人
一年365日在招聘網站上長期見到該公司請人，而且每個部門都有，證明公司人員流少量高，不過新公司就例外計。
8.高層、直屬上司全部都是皇親國戚
公司入面個個都係有親戚關係，不論你OT時間再多，都無緣升上更高職位。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
