女同學老公炫耀自己份工月入3萬 ! 睇低港男做圖書館 最後被一句K.O.?
跟中學同學出去聚餐,最開心就是傾訴日常生活事,不過假如被同學另一半認叻炫耀賺到幾多錢,場景就尷尬了!最近有網友指有返堂食後約了成班中同食飯,其中一位女同學帶了老公出席,老公除了在席間吹噓自己份工有幾好外,更指自己升職加人工,有3萬人工。而問到網友返咩工,網友表示返圖書館後,就即時被老公白眼,及後卻被網友一句KO「我做圖書館有$31750」!
女同學老公炫耀自己3萬人工!
堂食解封後,不少人都開始約返朋友出外用膳。而樓主亦不例外,與多位中同聚一聚。其中有女同學表示可以帶老公出席,餐廳都可以由老公搵。而在聚餐入面,樓主指當時老公不停炫耀自己被老闆賞識,更升職做經理,老闆仲加咗$4,000人工,月入3萬。而當時樓主跟朋友都只是做聆聽角色。
![圖書館 女同學老公不停騎劫聚餐。](https://imgs.nmplus.hk/wp-content/uploads/2022/04/dhttpavhmfo0ubusohpkyd19uh_uig-fcafck3ghxjm_1146060779626a106ee8145-1024x575.jpeg)
老公恥笑港男做圖書館!
及後老公問到他們的職業,得知樓主是做圖書館,負責幫人借書還書後,就立即「上電」,不停重複「你做圖書館?」更指做圖書館的人多數是師奶、學生哥,人工會唔會唔夠使,需唔需要老婆返工幫補家計。而且更勉勵樓主比心機搵多啲錢,儲錢買樓。
![圖書館 唔知老婆聽到老公吹噓,有咩反應呢?](https://imgs.nmplus.hk/wp-content/uploads/2022/04/000012007234_1602994936_1525873021626a10715d8fc.jpeg)
面對老公不停的「暗寸」,樓主真的按耐不住了,只是輕輕說了一句「我做圖書館有$3,1750一個月」即刻令氣氛非常尷尬,而最後老公更指有急事要先走,最後餐飯$3,000由樓主埋單!
![圖書館 一句「我做圖書館有$3,1750一個月」,大快人心!](https://imgs.nmplus.hk/wp-content/uploads/2022/04/397951_2137515090626a106cab7ca.jpeg)
大快人心!網友:年紀大唔會再去呢啲social gathering
不少網友都指樓主的回應大快人心,更指老公舉動實在令人尷尬,做佢老婆一定唔知點算。「暗中秒殺呢位老公,大快人心」「喺啲唔識嘅人面前咁隨便講自己幾多人工,聽到都覺得佢老婆尷尬」而有人更為老公唔抵,點解做咁耐先得3萬人工「做個經理先得3萬?佢老闆明搵佢笨啦!」而有網友都指人愈大,飯局都愈要精,呢啲Show Off 飯局應推就推「成個故事都係話你知香港人剩係錢同樓,其實年紀大睇化左根本唔會再有呢啲浪費時間既social gathering」
![圖書館 人大咗,飯局的質素也應該要愈來愈高!](https://imgs.nmplus.hk/wp-content/uploads/2022/04/lrj-bxxpfco8rfqyvapoknzpgxmviqj5c5jxiwusvym_169504582261a4b12097095-1024x685_398961519626a1106ec59f-1024x685.jpeg)
資料來源:公務員Secrets
有沒有關於香港的有趣盤點?
香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?
有甚麼必學生活小智慧?
天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法及7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!