中國貓cafe執笠、30隻貓慘被棄養！半個月後「飄出臭味」被人發現變貓地獄

撰文：海月｜圖片來源：和貓住微博

中國貓cafe執笠、30隻貓慘被棄養！

因為唔係人人屋企都養得貓，所以近年唔少愛貓之人都鍾意去「貓cafe」。不過對於貓貓成為「生財工具」，唔少人都反應兩極，有人覺得能夠邊食嘢邊能近距離接觸貓貓，亦能「間接」地助養非常好，亦有人覺得「貓cafe」未必能細心照顧一眾貓貓，而且亦未必每隻貓貓都喜歡生活被客人打擾。話雖如此，近年「貓cafe」的確開張成風。

日前中國四川成都一間「貓cafe」突然倒閉，店內超過半個月無人打理，最後被鄰鋪人員聞到疑似屍臭怪味於是向流浪貓救助組織求助。而流浪貓救助組織隨得亦上門視察，驚覺「貓cafe」30隻員工貓慘被棄養，不但骨瘦如柴，更有部分小貓已經病死，昔日「貓天堂」慘變「貓地獄」！

而鄰鋪酒吧老闆表示，「貓cafe」疑似不敵疫情瀕臨倒閉，由上月經已沒有營業，而店內貓員工亦無人照顧。自己曾在門外觀察，不但遠遠看到貓屍體，更聞到疑似屍臭怪味，於是向流浪貓救助組織求助。

在流浪貓救助組織人員報警後，「貓cafe」原店主連夜返回幫助開門，結果一開門店內堆滿了糞便，飄出嚴重惡臭味，地上更驚現不少貓屍。而存貓咪亦骨瘦如柴，原店主解釋因為家中長輩重病，需要返鄉照顧。本身有請人幫忙打理「貓cafe」，沒想到對方完全沒出現，自己亦因為太過忙碌沒有過問，到警察通知才知道出了狀況。

最後倖存貓咪已被流浪貓救助組織送往動物醫院治療，亦會開放領養。