狂食三文魚、煲水飲、閂𨋢門竟成外國異類！港人熱話：移民外國後改唔到嘅香港生活習慣

港人熱話：移民外國後改唔到嘅香港生活習慣

近年香港人因為各種原因，而出現大批港人移民潮，唔少港人都選擇移民往台灣、英國、美國等地區。雖然大部份港人於移民都會有所準備，不過面對外國文化不同，港人移民後都表示有所不習慣，而且更會在不經意間流露出香港人獨特的生活習慣。早前就有網民喺網上發文「一人一個移咗民之後 覺得自己好香港嘅moment」，紛紛留言移民於外國生活後，都不時因為獨有的港人生活習慣，而被外國人投已異樣目光！

港人生活習慣 1：飲用水要煲過

香港人自出生以嚟，就習慣「飲用水要煲過」。不過原來喺唔少外國國家，人們普遍會直接飲用水喉自來水，因為自來水大多來自山泉水、富礦物質嘅地下水或雨水收集站。所以唔少香港人於移民後都非常唔習慣，覺得「就咁飲有怪味」，所以仍會將自來水煲過再飲用。有移民外國網民表示，在水龍頭加濾水器後被維修水喉外國人恥笑：

「水喉漏水CALL人黎整，佢問我做乜裝舊野係個TAP，我話過濾用，佢依然反我白眼」

港人生活習慣 2：乘搭升降機會按「關門」

因為生活節奏較慢，所以原來多數外國人乘搭升降機時並不會按「關門」按鈕，甚至有部份地區升降機並無設有「關門」按鈕。所以外國人見到當移民外國港人，在搭升降機會不斷按「關門」覺得相當奇怪。

港人生活習慣 3：極度鍾意食三文魚

唔少人話「因為多種原因，正宗日本人及外國人普遍都較少食三文魚」，所以從小到大就都非常鍾意三文魚嘅移民外國港人，被得知極度鍾意食三文魚會被覺得相當奇怪：

「成日去買三文魚買到人哋都認得我，點解香港人咁鍾意食三文魚」

港人生活習慣 4：落微雨要拎遮出街

有移民外國港人表示自己「落微微雨竟然拎遮出嚟」，喺外國人眼中竟然係一項十分古怪嘅行為。原來外國人認為淋濕身體並唔係咩大克，加上「佢地好中意zip up或者外套用頂帽當係遮」，更有網民直言：

「落住雨我見佢哋揸住把遮都唔開嚟用…」

港人生活習慣 5：乜都要快

相對外國，最令唔少移民外國港人唔習慣嘅就係「生活節奏」。香港向來都出名生活節奏超急速，反而外國就主張「Work Life Balance」，所以就會覺得對方「太慢」。

港人生活習慣 6：豐富夜生活

香港無論幾夜都好，總有食肆、娛樂場所會開放，而且距離亦相當近，反觀外國唔少地方入夜後商店都會關門，基本上並無「夜生活」。