【
#新蚊武肺炎】武漢肺炎（新冠肺炎）疫情喺日本持續蔓延，日本國內累計確診人數經已高達15,000多人，而首相安倍晉三日前更宣佈延長全國緊急狀態令至5月31日。
現時日本嘅醫療系統接近極限，國內防疫物資亦同樣不足。今次日本可口可樂公司決定調動滋賀縣守山市嘅森山工廠，全力生產消毒酒精，免費派發俾醫療機構及其他有需要人士。
雖然香港現時多日「0本地確診」，不過現時新冠肺炎仍在多國肆虐，大家千祈唔好鬆懈！記得勤洗手、戴好口罩，保持個人及家居衛生！
#NewMonday #時事新聞台 #武漢肺炎 #日本 #可口可樂
#NM_海月
