《Disney Tsum Tsum》 8件秘聞你要知
人紅自然多人搵，嚟緊4月11日至5月5日，九龍塘又一城就會有「Tsum tsumFestival反轉又一城」展覽，有大型主題裝置加限定精品售賣，忠粉肯定發晒癲！你係其中之一？咁你對《Tsum Tsum》認識有幾深先？以下8大秘聞，你又知道幾多？
text-Oscar
遊戲片頭
1. 《Tsum Tsum》真正發音係……
唔少港人都會叫個game做「寢寢」，其實佢真正讀法係「ツムツム（tsu mu tsu mu）」。冇錯，係日文嚟！「Tsum」喺日文解作堆疊，唔好以為人哋求其搵個音嚟命名呀！
《Tsum Tsum》宣傳片
https://www.youtube.com/watch?v=ND96Y0kI7ac
2. 登場人物共69個
《Tsum Tsum》之所以受歡迎，全因佢雲集迪士尼旗下眾多卡通人物，至今至少有69個，絕對勁過《復仇者聯盟》，基本上你講得出嘅都會出現。而家重會不斷增加新人物，例如《Frozen》一眾角色，同《大英雄聯盟》嘅醫神，所以又點會唔hit爆呢！
聖誕宣傳片
3. 最強Elsa+魔后
遊戲玩法好簡單，將3個或以上嘅相同公仔頭串連埋一齊就有分，以1分鐘內睇你攞到幾多分為過關標準。而遊戲開始前，大家可以揀1個卡通人物幫手，每個卡通人物嘅技能都唔同，好似毛毛會令部分毛毛公仔變大、豬仔可以延長遊戲時間等。所以玩家都會花時間去玩game儲金幣（甚至課金），都係為咗抽到理想人物。非官方調查發現，《Frozen》嘅Elsa（將公仔變冰）同《黑魔后》嘅黑魔后（會消除所有觸及嘅公仔）（Angelina Jolie飾演，亦即係《睡公主》嘅大奸角）都可以玩到好高分。唔信？抽嚟用下咪知真唔真！
4. 全球最強玩家「神之指」
唔同《忿怒鳥》，《Tsum Tsum》冇官方最高分排行榜，不過有玩過人嘅，都認同過百萬分只係「合格」，過5百萬分先算係「職業級」，過1千萬係「達人級」。不過片中呢位仁兄，能夠攞到5千萬分，將1分鐘嘅遊戲不斷出技同chok「fever time」延長到30分鐘，被電玩界網民稱為「神之指」，佢真係當之無愧！
《Tsum Tsum》版Toy Story
5. 掀觸控筆熱潮
iPhone當代出嘅時候，其中1樣賣點係「唔使再用觸控筆」，近年亦有唔少智能手電仿效。不過《Tsum Tsum》嘅公仔真係勁細隻，就算女仔嘅纖纖手指玩起上嚟都有難度，所以唔少玩家專登買番支觸控筆，玩起上嚟就更得心應手。
6. 朱古力 x 《Tsum Tsum》
唔係食得嘅朱古力，講緊嘅係潮流品牌:CHOCOOLATE喺去年11月同《Tsum Tsum》crossover，出咗一系列《Tsum Tsum》為主題嘅潮流服飾，着咗上身一樣咁「卡娃兒」！
7. 《Tsum Tsum》動畫化
迪士尼將《Tsum Tsum》動畫化唔係新鮮事，不過之前嘅都係宣傳片。今次迪士尼製作嘅《Tsum Tsum》動畫係獨立故事，講班卡通人物重得滯，整爛棵冰樹，重搞到一鑊粥。呢個系列暫時得1集，之後都會不定期更新上載，大家記得留意官方channel喇！
8. 街機版《Tsum Tsum》
唔少極紅嘅手電games都陸續推出街機版，《Tsum Tsum》都唔例外，玩法同手電版無異。每次玩完會送1隻實體公仔，可用於遊戲當中，唔玩咪當收藏品，正！香港暫時未有得玩，想玩，大家飛去日本玩啦！
伸延內容：
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
