RTHK《球動全城》3×3邀請賽｜3月10日睇中港籃球員、甲一精英及藝人比賽

粵港澳隊伍熱血對戰

今次3×3 邀請賽共分三個賽事，分別為正賽、全明星表演賽，以及黃金新秀對賽。正賽方面由來自粵、港、澳的隊伍對賽，男子組共有8隊，包括廣州體育學院、深圳閃者隊、澳門青年隊、聖芳濟各大學、嶺南大學、香港城市大學、香港大學及香港樹仁大學等嘅對伍；女子組則有4隊，包括廣州體育學院、澳門青年隊、香港樹仁大學及香港大學參賽。

甲一歐陽維江、李琪 與方泳琳及蘇皓兒等作表演賽

全明星表演賽將會以男女混合形式作賽，每隊各有2男2女成員，由藝人加現役甲一球員組成，有甲一滿貫球員歐陽維江、甲一東方球員李琪領軍，帶領藝人黃定謙、林德信、方泳琳、Lolly Talk成員、蘇皓兒一齊上演表演賽。想知明星代表嘅球技係點，就記住嚟睇喇。

港籃代表與英華書院校隊上演大戰

黃金新秀對賽就會由學界新秀英華書院籃球隊，對戰由現役及退役香港籃球代表香振強、胡國鋒、李偉倫、呂楚威及周迎堅組成的「黃金一代」，齋睇陣容都覺得精彩！

運動主題遊戲攤位 與眾同樂

為推廣全民運動，今次嘉年華有逾10個以運動為主題嘅遊戲攤位，例如3×3籃球體驗區、攀石體驗區、智能拳擊機等，亦有由馬會義工負責的「投球是道」及「彩繪樂繽紛」遊戲攤位。觀賽之餘，仲可以帶埋親朋好友嚟玩埋一份。

港深啦啦隊勁舞 人氣女團Lollytalk獻唱

人氣女子組合Lollytalk，除咗會參加明星表演賽，仲會喺活動中獻唱跳舞，實行與眾同樂！

來自深圳嘅啦啦隊炫舞團，同香港競技啦啦隊CMLN Cheerleading都會喺現場跳舞，想欣賞啦啦隊舞姿，就要mark定時間嚟睇表演喇。

炫舞團於2013年成立，在中國打造了第一個職業啦啦隊平台，並在全國各地培養優秀啦啦隊隊伍，活躍於全國各大賽事，為運動員加油吶喊。炫舞團積極推廣啦啦隊文化，於2020年更創立炫舞團啦啦隊舞蹈學校，把啦啦隊舞蹈培訓課程帶入企業、學校等社會團體。

香港競技啦啦隊 CMLN 由不同隊伍組合而成，結合不同志同道合的隊伍組成CMLN，延續競技啦啦隊的精神。部分隊員為港隊隊員，並曾代表香港到外地比賽，包括為香港首次奪得全女5人組季軍的隊員，成為首隊登上國際頒獎台的香港隊伍。現時隊員由學生、自由工作者至專業人士組成，冀在香港推廣競技啦啦隊使之普及化。

港台電視32直播賽事及精彩表演

想睇今次比賽及精彩表演，除咗親身去現場，仲可以喺港台電視32觀賞！當日下午3時就可以透過直播，港台YouTube 頻道以及手機應用程式RTHK TV睇精彩表演及男、女子準決賽至決賽賽事。

（資料由香港電台提供）