激安殿堂（Donki）銅鑼灣分店正式開幕 全港最大設有4層 零食、生活用品均有激抵特賣區｜Chill好玩
撰文：肥龍、Lu、Rice、TL｜圖片及資料來源：Woody、Cliff、新傳媒資料室、Don Don Donki Hong Kong｜編輯：異種火星人（原文刊於：新假期）
激安殿堂（驚安之殿堂）
全港最大！銅鑼灣4層分店開幕
激安殿堂（驚安之殿堂）Don Don Donki 全港最大的銅鑼灣分店，即將開幕啦！店舖位於銅鑼灣名珠城大廈，在IKEA附近，位置十分方便。新店有4層任行，最正是24小時營業，狂掃美妝零食不是夢！新店以「叢林中的尋寶」為主要店舖概念，特別留意是首次加設的精選特賣區及全新飲食區，特賣區以$5至$25優惠價發售一系列的特選商品，當中包括大熱美妝護膚品和人氣零食等；飲食區則有超多日式美食，包括炸雞髀、日式包子、日式煎餃、關冬煮等等。
激抵$5-$25精選特賣區
新設的特賣區以$5至$25價格發售一系列產品，以美妝、零食為主，也有生活用品，分別設於1樓（零食為主）及3樓（生活用品），$5、$10、$15如此類推，各個價錢都有專區，即睇有咩抵買！
1樓 零食
超誇張的特大包裝薯片！
2樓
熟食區
大部分熟食攤檔均設於2樓，有非常多日本美食，包括日式煎餃、大阪燒、玉子燒等。
即食食品區
即食食品區有過百款貨品選擇，大部份是日本直送，一叮即食，忙時醫肚至啱。
季節限定，以流水解凍就食得！
壽司區
壽司區有大量師傅手握壽司，壽司新鮮，陣陣海水味。
3樓
凍肉區
凍肉區有大量揀手平價凍肉，當中有日本國產牛最受歡迎，當作燒肉或者涮涮鍋配料都啱。
蔬果區
這次的蔬果區均以低價發售，當中更有$9區域，各位精打細算的客人可要趁低吸納。
乾貨區
說到乾貨區必然有杯麵，不論是港人常吃的日清杯麵，或是日本杯麵都有發售，則口味繁多，可不是處處能找到。
3樓 $5、$10特賣區 – 生活用品
平價特賣區除了有零食外，3樓更有生活用品區，價錢由最平$3至$50不等，有各式各樣的日常用品、廚房用品等，包括杯、碗、食物盒、收納盒，就連襪與內衣都有賣，應有盡有。當中以食物盒最抵買，有不同尺寸可選擇，都只是$10起！另外，多款男裝船襪一均$5，內衣都只售$10，買來平著都抵！
4樓
4樓主要是藥妝及生活百貨，有各種美妝品、補給品、日常用品，更有寵物專區、18禁成人用品區等，包羅萬有！
藥妝及美妝區
寵物專區
當中更有多款寵物用品及飼料，有大量零食、玩具售賣，買給毛孩最好不過！
日常用品、雜貨區
一上4樓，就見到吉祥物Donki，有多款Donki公仔、爆谷筒，仲有柴犬造型，好可愛！
18禁成人用品區
18禁成人區較前兩間分店大，發售多款成人玩具及用品。
開幕優惠多鑼鑼！
為慶祝銅鑼灣開幕，激安殿堂推出許多有獎遊戲及優惠，先有7月7日至12日的尋找叢林有獎遊戲，新店每層均有隱藏海報，只要發現後拍下4張海報的照片，即可於客戶服務處換禮品1份，每日限100名！另外7月7日至11日期間，每日首200名消費滿$600的顧客，免費送限量版DONKI帆布袋。另外，開幕當日、11日、12日，更會有DONKI吉祥物到場同大家合照，不要錯過啦～
「驚安の殿堂」唐吉訶德（激安殿堂／DONKI／驚安の殿堂ドン・キホーテ）銅鑼灣名珠城店
地址：銅鑼灣百德新街22-36號名珠城1-4樓（顯示地圖）
開幕日期：7月7日 10am
營業時間：24小時
官方網頁按此
FB專頁：Don Don Donki Hong Kong
